ముడాపై దర్యాప్తు.. సీఎం రాజీనామా చేయాలన్న బీజేపీ

నా తెలంగాణ, న్యూ ఢిల్లీ: కర్ణాటక ముడా కుంభకోణం విలువ రూ. 5వేల కోట్లని దీనిపై నిష్పక్షపాత దర్యాప్తు కోసం సీఎం సిద్ధరామయ్య రాజీనామా చేయాలని బీజేపీ నేత సంబిత్​ పాత్ర డిమాండ్​ చేశారు. శనివారం కర్ణాటక గవర్నర్​ ముడా కుంభకోణంపై సీఎం, మరో 9మందిపై కేసు నమోదుకు అనుమతించడంతో సంబిత్​ పాత్ర న్యూ ఢిల్లీలో మీడియాతో మాట్లాడారు. దేశ చరిత్రలో కర్ణాటక కాంగ్రెస్​ ప్రభుత్వం అతిపెద్ద అవినీతికి పాల్పడుతోందని తాము తొలుత నుంచి చెబుతున్నామని తెలిపారు. దోపీడీ, అసత్యాలతో కాంగ్రెస్​ ప్రజలను మభ్యపెడుతూ కాలం వెళ్లదీస్తుందన్నారు. పశ్చిమ బెంగాల్​, కర్ణాటక ప్రభుత్వాల తీరు ఆ ప్రాంత ప్రజలకు నష్టం చేకూరే విధంగా ఉందని సంబిత్​ పాత్ర మండిపడ్డారు. 

ముడా కుంభకోణంలో సీఎం సతీమణి, మిత్రులు, సన్నిహితులు, బంధువుల పేర్లపై సిద్ధరామయ్య భూములను కొల్లగొట్టారని షెహజాద్​ పూనావాలా ఆరోపించారు. ప్రభుత్వంలోని ప్రతీశాఖను లూటీ చేసేందుకు సిద్ధరామయ్య ప్రయత్నిస్తున్నారని మండిపడ్డారు.