సగానికి తగ్గిన శిశు మరణాల రేటు
Infant mortality rate halved
స్వచ్ఛత అభియాన్, మరుగుదొడ్ల నిర్మాణమే కారణం
ఇండియన్ మెడికల్ రీసెర్చ్ అధ్యయనంలో వెల్లడి
నా తెలంగాణ, న్యూ ఢిల్లీ: కేంద్ర ప్రభుత్వం ప్రవేశపెట్టిన స్వచ్ఛ భారత్ మిషన్, మాతా, శిశు మరణాలను తగ్గించడంలో మరుగుదొడ్డి నిర్మాణాలు కీలక పాత్ర పోషించాయని, దీంతో మరణాల రేటు గణనీయంగా తగ్గిందని ఐఎంఆర్ (ఇండియన్ మెడికల్ రీసెర్చ్) వెల్లడించింది. గురువారం 2014–2020ల మధ్య చేపట్టిన ఓ అధ్యయనం ప్రకటనను ఐఎంఆర్ విడుదల చేసింది.
ఈ ఆరు సంవత్సరాల్లో 1000 జననాలకు 60 శిశు మరణాల రేటు ఉందని పేర్కొంది. నరేంద్ర మోదీ ప్రభుత్వం ప్రతీ గ్రామంలో స్వచ్ఛత అభియాన్ ప్రారంభం, మరుగుదొడ్ల సౌకర్యాన్ని కల్పించడంలో ఈ మరణాల రేటు సగం కంటే తక్కువగా ఉందని తెలిపింది. 2020 నుంచి 2023 వరకు శిశుమరణాలు 30కంటే తగ్గాయని నివేదిక బహిర్గతం చేసింది. ప్రజారోగ్యంపై స్వచ్ఛత అభియాన్ ద్వారా పారిశుధ్యంపై ప్రభుత్వం చర్యలు తీసుకుంటుండడంతో క్రమేణా శిశు మరణాల రేటును ప్రతీయేటా భారీగా తగ్గుతోందని తెలిపింది.
మాతా శిశు మరణాలను తగ్గించేందుకు మారుమూల, సరిహద్దు చివర గ్రామాల్లో కూడా మరుగుదొడ్ల నిర్మాణం, స్వచ్ఛతా అభియాన్ కొనసాగుతోంది. దీంతో రానున్న సమయంలో ఈ సంఖ్య మరింత తగ్గుతోందని పేర్కొంది. అదే సమయంలో ఈ సంఖ్యను మరింత తగ్గించేందుకు వైద్యసౌకర్యాలను కూడా పటిష్ఠం చేయడంలో శిశు మరణాల రేటును గణనీయంగా తగ్గిందని ఐఎంఆర్ చేపట్టిన ఆ అధ్యయనంలో తేలింది.
