మహా సంక్షేమ పథకాలన్నీ కొనసాగుతాయి

అసెంబ్లీలో సీఎం దేవేంద్ర ఫడ్నవీస్​

ముంబాయి: రాష్ట్ర ప్రభుత్వ పరిధి, కేంద్రం కొనసాగిస్తున్న సంక్షేమ పథకాలన్నీ కొనసాగుతాయని మహారాష్ర్ట సీఎం దేవేంద్ర ఫడ్నవీస్​ అన్నారు. గురువారం మహారాష్ట్ర అసెంబ్లీలో పథకాలపై స్పష్టతనిచ్చారు. లడ్కీ, బహెన్​ తోపాటు పథకాలన్నీ కొనసాగిస్తామన్నారు. డిసెంబర్​ లో ఆర్థిక సాయం నిధులు జమ చేస్తామన్నారు. అసెంబ్లీలో విపక్షాల తీరుపై మండిపడ్డారు. లోక్​ సభ, అసెంబ్లీ ఎన్నికల్లోనూ ప్రజలు బీజేపీకే మద్ధతిచ్చారని గుర్తుంచుకోవాలన్నారు. ఏదిపడితే అది మాట్లాడినంత మాత్రాన అసత్యాలు వాస్తవాలు కావన్నారు. మహావికాస్​ అఘాడి (ఎంవీఎ) నాయకులు గురువారం నాగ్​ పూర్​ లో సంవిధాన్​ చౌక్​ నుంచి బీజేపీ ప్రభుత్వానికి వ్యతిరేకంగా నిరసన చేపట్టారు. ఈ నిరసనపై ఫడ్నవీస్​ మాట్లాడుతూ.. డా. బాబా సాహెబ్​ అంబేద్కర్​ కు గౌరవం ఇచ్చిందెవరో దేశ ప్రజలకు తెలుసన్నారు. రెండు నాల్కల ధోరణితో వ్యవహరిస్తున్న విపక్ష పార్టీల నిరసనలను ప్రజలు పట్టించుకోవడం లేదన్నారు.