ఎమ్మెల్సీ నాకొద్దు! అలకబూనిన ఎమ్మెల్సీ జీవన్ రెడ్డి
బుజ్జగించే పనిలో శ్రీధర్ బాబు, భట్టి
నా తెలంగాణ, హైదరాబాద్: ఎమ్మెల్సీ పదవి తనకొద్దని తాను రాజీనామా చేయాలని నిర్ణయించుకున్నట్లు కాంగ్రెస్ పార్టీ సీనియర్ నేత ఎమ్మెల్సీజీవన్ రెడ్డి అలకబూనారు. పార్టీలో తనకు సరైన ప్రాధాన్యతనీయడం లేదనే మనస్థాపంతో జీవన్ రెడ్డి ఉన్నట్లు తెలుస్తోంది. ఈ నేపథ్యంలో మంగళవారం మరోమారు సీనియర్ నాయకులు మంత్రి శ్రీధర్ బాబు, డిప్యూటీ సీఎం భట్టి విక్రమార్కలు మరోమారు ఆయనకు నచ్చజెప్పేందుకు బేగంపేటలోని ఆయన ఇంటికి చేరుకున్నారు. జీవన్ రెడ్డిని బుజ్జగించే పనిలో పడ్డారు.
అదే సమయంలో తనకు పార్టీ మారే ఆలోచనే లేదని జీవన్ రెడ్డి అన్నారు. తనకు కనీస సమాచారం ఇవ్వకుండా బీఆర్ఎస్ నాయకుడు ఎమ్మెల్యే సంజయ్ కుమార్ ను పార్టీలో చేర్చుకోవడం పట్ల జీవన్ రెడ్డి అలకబూనినట్లు తెలుస్తోంది.
