హిండెన్ బర్గ్ ది కుట్రే!
అసత్యాలకు గతంలోనే సమాధానం వ్యాపార వర్గాల్లో పరువు పోగొట్టుకున్నారు దేశ పురోగతిపై కాంగ్రెస్ కుట్ర బీజేపీ నేత రవిశంకర్ ప్రసాద్
నా తెలంగాణ, న్యూ ఢిల్లీ: హిండెన్ బర్గ్ నివేదిక దేశ ఆర్థిక వ్యవస్థను దెబ్బతీసే కుట్ర దాగి ఉందని బీజేపీ నేత రవిశంకర్ ప్రసాద్ అన్నారు. సోమవారం ఆ సంస్థ నివేదికపై విలేఖరుల సమావేశంలో మాట్లాడారు. ఈ నివేదిపై అమెరికా బడా వ్యాపారులు, ప్రతిపక్షాలే మండిపడుతున్నాయని తెలిపారు. ఇప్పటికే మూడుసార్లు చతికిలపడ్డ కాంగ్రెస్ ఇలాంటి సంస్థలతో కలిసి దేశ ఆర్థిక వ్యవస్థలో అరాచకాన్ని సృష్టించాలని చూస్తుందని మండిపడ్డారు.
ఈ నివేదికపై సోమవారం మార్కెట్లను చూస్తే వీరి అసత్యాలకు జవాబు దొరుకుతుందని రవిశంకర్ ప్రసాద్ తెలిపారు. హిండెన్ బర్గ్ వ్యాపార వర్గాలలో తన పరువు ప్రతిష్ఠలను పోగొట్టుకుందన్నారు. తొలిసారి కూడా ఇలాగే భారత ఆర్థిక వ్యవస్థను కుదిపేయాలన్న ఉద్దేశ్యంతోనే హిండెన్ బర్గ్ నివేదిక బయటపెట్టిందన్నారు. కానీ సెబీ విచారణలో పూర్తిగా అవాస్తవాలను తేలిందని ఇందుకోసం సుప్రీంకోర్టు ఈ సంస్థకు నోటీసులు జారీ చేసిందని గుర్తు చేశారు.
మరోవైపు హిండెన్ బర్గ్ పై కాంగ్రెస్ ఎలా చూస్తుందో? దేశ ప్రజలకు అర్థం అవుతుందన్నారు. దేశంలో పెట్టుబడులు రాకూడదనే ఉద్దేశ్యంతో ఈ పార్టీ ఉందన్నారు. ఇది దేశ పురోగతిపై కుట్ర పన్నుతోందన్నారు. దేశాన్ని, ఆర్థిక వ్యవస్థను బలహీన పర్చే కుట్ర దాగి ఉందని రవిశంకర్ ప్రసాద్ కాంగ్రెస్ పార్టీ, రాహుల్ గాంధీ ఆరోపణలపై మండిపడ్డారు.
