ఆన్​ లైన్​ మోడ్​ లోకి ప్రభుత్వ కార్యాలయాలు

నా తెలంగాణ, న్యూ ఢిల్లీ: కేంద్ర ప్రభుత్వ కార్యాలయాలు 80 శాతం మేర 2018 నాటికే ఆన్​ లైన్​ మెడ్​ లోకి మార్చామని కేంద్రమంత్రి జితేంద్ర సింగ్​ అన్నారు. ప్రధాని నరేంద్ర మోదీ పదేళ్ల పాలనపై మంగళవారం న్యూ ఢిల్లీ సెంట్రల్​ ఇన్ఫర్మేషన్​ కమిషన్​ 16వ వార్షిక సదస్సులో మంత్రి జితేంద్ర సింగ్​ పాల్గొని ప్రసంగించారు. మోదీ పాలనలో పాదర్శకత, పౌర కేంద్రీకరణను పెంపొందించామన్నారు. ఫిర్యాదులను సమర్థవంతంగా పరిష్కరించామన్నారు. పౌరులకు హ్యూమన్​ రైట్స్​ హక్కులపై అవగాహన కల్పించేందుకు సమాచార కమిషన్లు అనేక వర్క్​ షాప్​ లను నిర్వహించాయన్నారు. అధికారుల సహకారంతో పారదర్శకత, గోప్యత వంటివి పాటిస్తూనే సమస్యల పరిష్​కారానికి మోదీ ప్రభుత్వం కృషి చేసిందని కేంద్రమంత్రి జితేంద్ర సింగ్​ అన్నారు.