గ్లోబల్ వార్మింగ్ పై ప్రజలకు వివరించాలి
భారత్ ను మెరుగైన సమాజంగా తీర్చిదిద్దడంలో మీ వంతు పాత్ర పోషించాలి కేంద్రీయ విద్యాలయ విద్యార్థులతో రాష్ర్టపతి అధ్యక్షురాలిగా రెండేళ్లు పూర్తి చేసుకున్న ద్రౌపదీ ముర్మూ
నా తెలంగాణ, న్యూ ఢిల్లీ: వాతావరణ మార్పులు,గ్లోబల్ వార్మింగ్ పై ప్రజలకు తెలియజేయాల్సిన అవసరం విద్యార్థులపై ఉందని రాష్ర్టపతి ద్రౌపదీ ముర్మూ అన్నారు. రాష్ర్టపతిగా రెండేళ్లు పూర్తి చేసుకున్న సందర్భంగా న్యూఢిల్లీలోని రాష్ర్టపతి ఎస్టేట్ లోని డాక్టర్ రాజేంద్ర ప్రసాద్ కేంద్రీయ విద్యాలయాన్ని ముర్మూ గురువారం సందర్శించారు. 9వ తరగతి విద్యార్థులతో ముచ్చటించారు. ఆధునిక ప్రపంచంలో తలెత్తుతున్న సమస్యలపై వారితో చర్చించారు. వస్తువులను రీ సైకిల్ చేయడం ద్వారా పర్యావరణానికి మేలు చేకూరుతుందని విద్యార్థులకు తెలిపారు. భారత్ ను ప్రపంచదేశాల్లో మెరుగైన సమాజంగా తీర్చిదిద్దేందుకు విద్యార్థులే భావిభారత పౌరులన్న విషయాన్ని గుర్తెరగాలని రాష్ర్టపతి అన్నారు.
