రాజౌరి లోయలో పడ్డ బస్సు 21మంది మృతి
69 మందికి గాయాలు పలువురి పరిస్థితి విషమం
జమ్మూకశ్మీర్: జమ్మూకశ్మీర్ లో ఘోర బస్సు ప్రమాదం చోటు చేసుకుంది. 21మంది మృతి చెందగా, 69 మంది గాయపడ్డారు. గురువారం ఉదయం జమ్మూకశ్మీర్ రాజౌరి నుంచి శివఖోడికి 90 మంది ప్రయాణికులతో ఉత్తరప్రదేశ్ కు చెందిన బస్సు బయలుదేరిందని పోలీసులు తెలిపారు. బస్సు అఖ్నూర్ తొంగి మోర్ కు రాగానే అదుపు తప్పి లోయలోకి దూసుకువెళ్లిందని తెలిపారు. స్థానికుల సమాచారంతో వెంటనే రంగంలోకి దిగి సహాయక చర్యలను చేపట్టామని అఖ్నూర్ పోలీసు అధికారి తారీఖ్ అహ్మద్ వివరించారు. ఈ ప్రమాదంలో 21మంది మృతి చెందారని, 69 మందికి తీవ్ర గాయాలయ్యాయని తెలిపారు. గాయపడ్డవారిని జమ్మూ మెడికల్ కాలేజీకి తరలించామన్నారు. గాయపడ్డవారిలో పలువురి పరిస్థితి విషమంగా ఉన్నట్లు తెలిపారు.
