మసీదులో ఘర్ ఘర్ మోడీ
వీడియోలు బయటకు బీజేపీ అభ్యర్థి అలోక్ శర్మకు మద్దతు ప్రకటించిన ముస్లిం సమాజం
భోపాల్: భోపాల్ లోని హైదరీ మసీదులో ‘హర్-హర్ మోడీ, ఘర్-ఘర్ మోడీ’ నినాదాల వీడియోలు సామాజిక మాధ్యమాల్లో వైరల్ అవుతున్నాయి. శనివారం ఈ వీడియోలు వెలుగులొకొచ్చాయి. అయితే శుక్రవారం మోదీ మధ్యప్రదేశ్ పర్యటన చేపట్టిన విషయం తెలిసిందే. ఈ వీడియోలు అదే సమయంలో తీసినవి కావడం విశేషం. బీజేపీ అభ్యర్థి అలోక్ శర్మకు బోహ్రా కమ్యూనిటీ స్వాగతం పలికింది. ఈయనతోపాటు ప్రధాని మోదీకి స్వాగతం పలుకుతూ నినాదాలు చేశారు. ఈ వీడియోలు కాస్త ఇప్పుడు సామాజిక మాధ్యమాల్లో వైరల్ గా మారాయి.
వీడియోలో ఏముంది?
వీడియోలో అలోక్ శర్మకు మసీదులో ఘన స్వాగతం పలికారు. ఓ మహిళ ఆయనకు కండువా కప్పి స్వాగతించారు. అనంతరం ముస్లిం మతపెద్దలు ఆయనకు సాదర స్వాగతం పలికి ప్రసంగించారు. తాము అలోక్ శర్మను కుటుంబ సభ్యుని మాదిరి భావిస్తామన్నారు. ఆయన నేతృత్వంలోని దేశ సంక్షేమం కోసం పాటుపడుతున్న మోదీని కూడా తమ కుటుంబ సభ్యులలో ఒకరిగా భావిస్తున్నట్లు తెలిపారు. అనంతరం అబ్ కీ బార్ 400 పార్, ఘర్ ఘర్ మోదీ అని పెద్ద పెట్టున నినాదాలు చేశారు.
