నలుగురు బంగ్లాదేశీయుల అరెస్టు

ముంబై: నలుగురు బంగ్లాదేశీయులు అక్రమంగా భారత్​లోకి చొరబడడమే గాకుండా ఇక్కడ అన్ని పత్రాలు సృష్టించుకొని ఏకంగా ఓట్లు కూడా వేసినట్లు ఇంటలిజెన్స్​ వర్గాలు గుర్తించి వారిని అదుపులోకి తీసుకున్నాయి. మంగళవారం ముంబైలో పట్టుకున్న నలుగురిని ఏటీఎస్​ (యాంటీ టెర్రరిస్ట్​ స్క్వాడ్​) ప్రత్యేక కోర్టులో హాజరుపరిచింది. ఈ నలుగురితోపాటు మరికొందరు పరారీలో ఉన్నట్లు ఏటీఎస్​ గుర్తించింది. వారి కోసం గాలింపు చర్యలు చేపట్టింది. చట్టవిరుద్ధంగా వీరు భారత పౌరులుగా మారేందుకు పలు పత్రాలను పొందారు. అరెస్టు అయిన వారిలో రియాస్​ హుస్సేన్​, సుల్తాన్​ సిద్దిఖీ, ఇబ్రహీం షఫీవుల్లా, ఫరూక్​ లను అరెస్టు చేశారు. కోర్టు వీరికి జ్యూడీషియల్​ రిమాండ్​ విధించింది.