ఇరాన్​పై ఉగ్రదాడి 27మంది మృతి

టెహ్రాన్: ఇరాన్​లో భారీ ఉగ్రదాడి జరిగింది. ఈ దాడిలో 27మందికిపైగా మృతిచెందినట్లు స్థానిక వార్తా కథనాలు ప్రసారమయ్యాయి. ఆ కథనాల ప్రకారం ఇరాన్​లోని చబహార్, రస్క్​ నగరాల్లో బుధవారం అర్థరాత్రి ఇరాన్​ బోర్డర్​ గార్డ్స్​ ప్రధాన కార్యాలయంపై ‘జైష్ -అల్- అద్ల్’ గ్రూప్​నకు చెందిన ఉగ్రవాదులు దాడులకు పాల్పడ్డారు. ఈ దాడిలో 11మంది భద్రతా సిబ్బంది, 16 మంది పౌరులు మృతిచెందారు. ఉగ్రదాడిపై మంత్రి మజిద్​ మాట్లాడుతూ.. బోర్డర్​ గార్డ్స్​కార్యాలయాన్ని ఉగ్రవాదులు స్వాధీనం చేసుకుందామని వ్యూహారచన చేశారన్నారు. దాడి జరిగిన వెంటనే ప్రతిదాడులకు దిగామని తెలిపారు. ఈ దాడుల్లో 15 మంది ఉగ్రవాదులను హతమార్చినట్లు మంత్రి తెలిపారు. దాడి సందర్భంగా స్థానికంగా తీవ్ర భయాందోళనలు వ్యక్తం కాగా, కొన్ని కిలోమీటర్ల వరకూ దట్టంగా పొగలు అలుముకున్నాయి.