మాజీ సీఎం చౌతాలా కన్నుమూత

చండీగఢ్​: హరియాణా మాజీ ముఖ్యమంత్రి, ఐఎన్​ ఎల్​ డీ (ఇండియన్ నేషనల్ లోక్ దళ్) అధినేత ఓం ప్రకాశ్​ చౌతాలా (89) కన్నుమూశారు. గురుగ్రామ్​ మేదాంతలో శుక్రవారం మధ్యాహ్నం 12 గంటలకు ఆయన తుది శ్వాస విడిచారు. గత మూడు నాలుగేళ్లుగా వృద్ధ్యాపం, అనారోగ్య సమస్యలతో చౌతాలా బాధపడుతున్నారు. ఆయన మృతికి కార్డియాక్​ అరెస్ట్​ కారణమని వైద్యులు తెలిపారు. శనివారం అంత్యక్రియలు నిర్వహించనున్నట్లు కుటుంబ సభ్యులు ప్రకటించారు. 

ఓం ప్రకాష్ చౌతాలా 1935 జనవరి 1న సిర్సాలోని చౌతాలా గ్రామంలో జన్మించారు . చౌతాలా ఐదుసార్లు హరియాణాకు సీఎంగా ఉన్నారు. 1989 డిసెంబర్ 2న చౌతాలా తొలిసారి ముఖ్యమంత్రి అయ్యారు. చౌతాలా మృతి పట్ల సీఎం సైనీ సంతాపం వ్యక్తం చేశారు. చౌతాలా 82 యేళ్లలో పదవ తరగతి పరీక్షలు రాసి ఉత్తీర్ణుడయ్యారు. ఓం ప్రకాశ్​ మృతిపట్ల పలువురు సంతాపం వ్యక్తం చేశారు.