స్టాలిన్​ కోర్టులో హాజరుకావాల్సిందే

భోజ్​పూర్: సనాతన ధర్మంపై అసభ్యకర వ్యాఖ్యలు చేసిన తమిళనాడు మంత్రి ఉదయనిధి స్టాలిన్​విచారణకు కోర్టులో హాజరు కావాలని భోజ్​పూర్​ కోర్టు స్పష్టం చేసింది. హాజరు కాని పక్షంలో చర్యలు తీసుకోవాలని రాష్ర్ట ప్రభుత్వానికి ఆదేశాలు జారీ చేసింది. మంగళవారం ఉదయనిధి స్టాలిన్​ చేసిన వ్యాఖ్యలపై పిటిషన్​ను కోర్టు విచారణకు స్వీకరించింది. ఐపీసీ 298 కింద విచారణ జరిగింది. 2023 సెప్టెంబర్​ 23న ఉదయనిధి స్టాలిన్​ వ్యాఖ్యలు చేశారని కోర్టు సీనియర్​ న్యాయవాది ధరణిధర్​ పాండే తెలిపారు. సనాతన ధర్మంపై అసంబద్ధ, అసత్య, అసభ్యకర వ్యాఖ్యలపై జిల్లా చీఫ్​ జ్యూడీషియల్​ మేజిస్ర్టేట్​కు ఫిర్యాదు చేశారు. హిందువులు పాటిస్తున్న సనాతన ధర్మంపై స్టాలిన్​ వ్యాఖ్యలు తీవ్ర బాధాకరమన్నారు. ఈ ప్రసంగం వల్ల యావత్​హిందువులకు బాధకలిగిందని, వారి మనోభావాలను దెబ్బతీశాయని ఆవేదన వ్యక్తం చేస్తూ కోర్టుకు వివరించారు. దీనిపై విచారణ చేపట్టిన కోర్టు 2024 ఏప్రిల్​ 1 వరకు విచారణకు హాజరు కావాలని ఆదేశాలు జారీ చేసింది. అయితే ఉదయనిధి వ్యాఖ్యలపై మరికొన్ని ఫిర్యాదులు కూడా అందిన నేపథ్యంలో 120(బి), 153(ఎ), 153(బి), 295(ఎ), 298 సెక్షన్ల కింద విచారణ చేపట్టనున్నారు.