బాణా సంచా కాల్చడం.. పోలీసులపై సుప్రీం ఫైర్​

నా తెలంగాణ, న్యూ ఢిల్లీ: బాణాసంచాపై నిషేధం ఉన్నా, వాటిని కాల్చడంపై ఢిల్లీ పోలీసులు ఎం చర్యలు తీసుకున్నారని సుప్రీంకోర్టు ఆగ్రహం వ్య్తక్తం చేసింది. సోమవారం బాణా సంచా నిషేధానికి ఎలాంటి చర్యలు తీసుకున్నారో తెలియజేస్త అఫిడవిట్​ దాఖలు చేయాలని ఢిల్లీ పోలీస్​ కమిషనర్​ ను సుప్రీం కోర్టు ఆదేశించింది. బాణాసంచా కాలుష్య నివారణపై ప్రత్యేక సెల్​ ఏర్పాటు చేయాలని ఆదేశించింది. లైసెన్స్ లేకుండా ఎవరూ బాణాసంచా ఉత్పత్తి చేయరాదని, విక్రయించకూడదని కోర్టు ఆదేశించింది. ప్రజల ఆరోగ్యానికి హాని కలిగించే చర్యలను ఏ మతమూ ప్రోత్సహించదని సుప్రీం పేర్కొంది. టపాసులను పేల్చడంతో ఉత్పత్తి అయ్యే కాలుష్యం వల్ల పౌరుల ఆరోగ్యంపై ప్రభావం చూపుతుందని ఇది ప్రాథమిక హక్కు ఉల్లంఘన కిందకు వస్తుందని ద్విసభ్య ధర్మాసనం స్పష్టం చేసింది. నవంబర్​ 25 లోపు బాణాసంచా శాశ్వత నిషేధం విధించడంపై నిర్ణయం తీసుకోవాలని ఢిల్లీ ప్రభుత్వాన్ని కోర్టు సూచించింది.