డ్రైవర్ లేకుండా ఇంజన్ బోగీ పరుగు!
విచారణ చేపట్టిన అధికారులు
పాట్నా: బిహార్ లో ఘోర రైలు ప్రమాదం తప్పింది. డ్రైవర్ లేకుండానే రైలు ఇంజన్ బోగీ ముందుకు వెళ్లింది. దీంతో తీవ్ర గందరగోళం ఏర్పడింది. ఇంజన్ బోగీ పట్టాలు తప్పడంతో అధికారులు సహాయక చర్యలు చేపట్టారు. ఈ ఘటన ఆలస్యంగా వెలుగులోకొచ్చింది. నవంబర్ 8న ఘటన చోటు చేసుకున్నట్లు అధికార వర్గాలు సోమవారం చేపట్టగా మీడియాకు విషయం పొక్కింది.
బిహార్ ముంగేర్ జిల్లాలో జమాల్ పూర్ స్టేషన్ లో 30029రైలుకు సంబంధించిన లోకో పైలెట్ ఇంజన్ ను పార్క్ చేసి వెళ్లాడు. కాసేపటి తరువాత ఇంజన్ ఆటోమేటిక్ గా 50 మీటర్ల వరకు ముందుకు కదిలింది. దీంతో మూడు చక్రాలు పట్టాలు తప్పాయి. వెంటనే గమనించిన రైల్వేశాఖ సిబ్బంది ఉన్నతాధికారులకు సమాచారం ఇవ్వడంతో ఇంజన్ బోగీని ట్రాక్ పైకి తీసుకువచ్చేందుకు చర్యలు చేపట్టారు. ఈ ఘటనలో ఎలాంటి ప్రమాదం చోటు చేసుకోలేదన్నారు. ఇంజన్ బోగీ దానంతట అదే ముందుకు వెళ్లడంపై విచారణ చేపట్టినట్లు రైల్వే అధికారులు తెలిపారు. దీంతో పలు రైళ్ల రాకపోకలకు అంతరాయం ఏర్పడిందన్నారు. వాటిని మరో ట్రాక్ ద్వారా దారిమళ్లించామన్నారు.
