దోడాలో ఎన్​ కౌంటర్​ ఆర్మీ చీఫ్​ వీరమరణం

శ్రీనగర్​: జమ్మూకశ్మీర్​ దోడాలో బుధవారం ఉదయం జరిగిన ఎన్​ కౌంటర్​ లో ఓ ఆర్మీ కెప్టెన్​ దీపక్​ వీరమరణం పొందాడు. భద్రతా దళాల కాల్పుల్లో నలుగురు ఉగ్రవాదులు మృతిచెందినట్లుగా సమాచారం తెలిసినా అధికారులు ఇంకా ధృవీకరించలేదు.దోడాలోని పట్నితోప్​ అడవుల్లో ఉగ్రవాదులతో ఉదయం 5 గంటల ప్రాంతం నుంచి బీకర ఎన్​ కౌంటర్​ సాగుతోంది. ఉగ్రవాదుల నుంచి సైన్యం ఎం4 రైఫిల్​, పేలుడు పదార్థాల బ్యాగును కూడా స్వాధీనం చేసుకున్నట్లు తెలుస్తోంది.

ఎన్​ కౌంటర్​ ఇంకా కొనసాగుతోందని ఆ ప్రాంతాన్ని చుట్టుముట్టినట్లు అధికారులు ప్రకటించారు. సైనికులకు అటవీ ప్రాంతంలో కూంబింగ్​ కు సూచనలిస్తుండగా ఉగ్రవాదులు ఒక్కసారిగా కాల్పులకు తెగబడ్డట్లు అధికారులు పేర్కొన్నారు. సంఘటనా స్థలం నుంచి అతన్ని ఆసుపత్రికి తరలించగా అక్కడ చికిత్స పొందుతూ మృతిచెందినట్లు తెలిపారు. అకార్​ నదీ తీరంలో ఉగ్రవాదులు నక్కి కాల్పులకు పాల్పడుతున్నట్లు అధికారులు గుర్తించి ఆ ప్రాంతాన్ని చుట్టుముట్టారు.