ఝార్ఖండ్​ లో భూకంపం

రాంచీ: ఝార్ఖండ్​, రాంచీ, జంషెడ్​ పూర్​ లలో శనివారం ఉదయం భూకంపం సంభవించింది. రిక్టర్​ స్కేలుపై ప్రకంపనల తీవ్రత 3.6 నుంచి 4.13 వరకు ఉన్నట్లు అధికారులు తెలిపారు. జంషెడ్​ పూర్​, చైబాసా, ఖర్సావాన్​ లలో కూడా ప్రకంపనలు చోటు చేసుకున్నట్లు అధికారులు తెలిపారు. ఒక్కసారిగా భూమి కంపించడంలో ప్రజలు భయాందోళనలు వ్యక్తం చేస్తూ ఇళ్లలోంచి బయటికి పరుగులు తీశారు. ఖర్సావాన్​ జిల్లాకు 13 కిలోమీటర్ల దూరంలో భూకంప కేంద్రం ఉన్నట్లు అధికారులు గుర్తించారు. భూకంపం 9.20 గంటలకు సంభవించిందన్నారు. ఈ ప్రకంపనల వల్ల ఎలాంటి నష్టం వాటిల్లలేదన్నారు. దేశంలోని మొత్తం భూభాగంలో 59 శాతం భూభాగానికి భూకంప ముప్పు పొంచి ఉందని శాస్ర్తవేత్తలు గతంలో పేర్కొన్నారు.