అవినీతి ఆరోపణలు..  ఇందిరాగాంధీ అరెస్టు

నా తెలంగాణ, సెంట్రల్​ డెస్క్​: కాంగ్రెస్​ మాజీ ప్రధాని ఇందిరాగాంధీని అరెస్టు అయ్యిందన్న విషయం ఎందరికి తెలుసు? అయితే ఆమె అరెస్టును 24 రోజుల ప్రధాని చేయించాడన్న విషయం తెలుసా? ఇందిర ఎందుకు అరెస్టు అయ్యారు. ఎవరు అరెస్టు చేశారు. ఆ వివరాలు తెలుసుకుందాం.

అక్టోబర్ 1977లో ఢిల్లీలోని సీబీఐ ప్రధాన కార్యాలయం వద్ద సందడి నెలకొంది. అధికారులు ఫైళ్లను హడావిడిగా తిరగేస్తున్నారు.ఇదే సమయంలో దేశంలోని పోలీసులందరికీ హై అలెర్ట్​ సందేశాలు పంపారు. పెద్ద పరిణామం జరగబోతోందని పోలీసులు ఎలాంటి పరిస్థితిని అయినా ఎదుర్కొనేందుకు సిద్ధంగా ఉండాలని అప్పటి కేంద్ర ప్రభుత్వంలోని హోంశాఖ ఉత్తర్వులు జారీ చేసింది.

అదే కేంద్రంలోని అప్పటి ప్రధానమంత్రి మొరార్జీ దేశాయ్​ నేతృత్వంలోని చౌదరి చరణ్​ సింగ్​ హోంమంత్రిగా పనిచేశారు. 

ఎమర్జెన్సీ సమయంలో మాజీ ప్రధాని ఇందిరాగాంధీ తీసుకున్న నిర్ణయం తప్పని పలువురు పేర్కొన్నారు. ఆ సమయంలో పలువురు జాతీయ నాయకులను కూడా ఇందిరాగాంధీ జైలుకు పంపారు. అయితే రాయ్​ బరేలీ సీటుపై ఎన్నికల ప్రచారం కోసం ప్రభుత్వ సొమ్ముతో వంద జీపులను ఇందిరాగాంధీ కొనుగోలు చేశారనే ఆరోపణలు వచ్చాయి. ఈ నేపథ్యంలో మొరార్జీ దేశాయ్​ నేతృత్వంలోని హోంశాఖ మంతరి చౌదరీ చరణ్​ సింగ్​ ఈ విషయంపై అవినీతి విచారణకు అనుమతులు జారీ చేశారు. ఇందిరాగాంధీని ప్రభుత్వ సొమ్ముతో జీపులు కొనుగోలు చేశారనే ఆరోపణలపై అరెస్టు చేశారు. 

ఆమె అరెస్టుపై కూడా సందిగ్ధత నెలకొంది. అక్టోబర్​ 1నే ఆమెను అరెస్టు చేయాలని నిర్ణయించుకున్నారు. చరణ్​ సింగ్​ భార్య గాయత్రి దేవి అక్టోబర్​ 1 శనివారం అరెస్టు చేస్తే మరుసటి రోజు ఆదివారం కాబట్టి ఆమెకు బెయిల్​ రాదని ఊహించారు. అయితే అక్టోబర్​ 2 గాంధీ జయంతి ప్రజల్లో అరెస్టుపై వ్యతిరేకత వచ్చే అవకాశం ఉండడంతో అక్టోబర్​ 3న ఇందిరాగాంధీని అరెస్టు చేయాలని నిర్ణయించారు.  ఈ మేరకు అక్టోబర్​ 3న ఇందిరాగాంధీని అరెస్టు చేశారు. అయితే ఇందిరాగాంధీకి 16 గంటల కస్టడీ అనంతరం బెయిల్​ లభించింది. 

అయితే చౌదరీ చరణ్​ సింగ్​ 28 జూలై 1979లో ప్రధాని అయ్యారు. కేవలం 24 రోజులు మాత్రమే ఒక్కరోజు కూడా లోక్​ సభకు వెళ్లని ప్రధానిగా చరిత్రలో నిలిచిపోయారు. కాంగ్రెస్​ తమ మద్దతు ఉపసంహరించుకోవడంతో ఆయన ప్రధాని పదవీని వీడాల్సి వచ్చింది. అయితే తాత్కాలిక ప్రధానిగా ఆయన ఐదు నెలలపాటు కొనసాగారు. ఇందిరాగాంధీ తన అరెస్టుకు చరణ్​ సింగ్​ పై ఆ మాదిరి ప్రతీకారం తీర్చుకోగలిగింది.