ఈజ్​ ఆఫ్​ డూయింగ్​ తో వ్యాపారం మరింత సులభతరం

నా తెలంగాణ, న్యూ ఢిల్లీ: సీఐఐ ఈజ్​ ఆఫ్​ డూయింగ్​ బిజినెస్​ అండ్​ రెగ్యులేటరీ అఫైర్స్ పోర్టల్‌ ద్వారా వ్యాపార సౌలభ్యం మరింత మెరుగుపరుస్తుందని, పరిశ్రమలు, వివిధ శాఖలు, విభాగాలు ఏకతాటిపైకి వచ్చాయని పరిశ్రమల శాఖ మంత్రి పీయూష్​ గోయల్​ అన్నారు. గురువారం న్యూ ఢిల్లీలోని సీఐఐ ఈజ్ ఆఫ్ డూయింగ్ బిజినెస్ అండ్ రెగ్యులేటరీ అఫైర్స్ పోర్టల్‌ను వాణిజ్యం, పరిశ్రమల మంత్రి పీయూష్ గోయల్ ప్రారంభించారు. ఈ పోర్టల్ ద్వారా కేంద్ర ప్రభుత్వం, సీఐఐ ద్వారా వ్యాపార, వాణిజ్యాలను మరింత సౌకర్యవతంగా మార్చనున్నారు.  ఈ వ్యవస్థను మరింత పటిష్ఠం చేసేందుకు పరిశ్రమల ప్రతినిధులు మరింతగా దృష్టి సారించాలన్నారు. నిరంతరం ఈ కార్యక్రమంపై తమ అభిప్రాయాలను పంచుకోవాలన్నారు. చట్టంలోని లొసుగులను ఉపయోగించే ధోరణిని విడనాడాలన్నారు. ఇది ఈజ్​ ఆఫ్​ డూయింగ్​ కు హానికరమన్నారు. చట్టస్ఫూర్తిని గౌరవిస్తూ జన్​ విశ్వాస్​ 2.0 కింద నేర రహిత వ్యాపారాన్ని కొనసాగించాలని మంత్రి పీయూష్​ గోయల్​ పిలుపునిచ్చారు. పాన్​ 2.0 ద్వారా సాంకేతిక అప్​ గ్రేడేషన్​ ప్రణాళికలో భాగమన్నారు. కేంద్ర ప్రభుత్వ పోర్టళ్లను మరింత మెరుగుపరిచేందుకు, వేగంగా సమాచారాన్ని అందించేందుకు అప్​ గ్రేడ్​ చేయడం అవసరమని మంత్రి పీయూష్​ గోయల్​ తెలిపారు.