ఆక్రమిస్తామంటే లాలీపాప్​ లు తింటూ కూర్చొంటామా?

కోల్ కతా: పశ్చిమ బెంగాల్​, అసోం, బిహార్​, ఒడిశాలను ఆక్రమిస్తామంటే తామేమి కూర్చొని లాలీపాప్​ లు తింటూ కూర్చుంటామా? అని మమతా బెనర్జీ ఆగ్రహం వ్యక్తం చేశారు. సోమవారం బంగ్లాదేశ్​ నాయకుల విభిన్న ప్రకటనలపై కోల్​ కతా అసెంబ్లీలో సీఎం మమతా బెనర్జీ విరుచుకుపడ్డారు. ఆదివారం బీఎన్​ పీ బంగ్లాదేశ్​ నేషనలిస్ట్​ పార్టీ భారత వ్యతిరేక ప్రకటనపై సీఎం మమత మండిపడ్డారు. ఇక్కడ ఉన్న వారు నిర్భయంగా ఉండవచ్చని, ఆక్రమిస్తామంటే తమ విధానం ఏంటో చూపిస్తామని హెచ్చరించారు. ప్రజలు ప్రశాంతంగా ఉండాలన్నదే తమ అభిమతమన్నారు. దాన్ని కాపాడుకోవాలన్నారు. బంగ్లాదేశ్​ కూడా భారత్​ లానే విభిన్న మతాల సమాహారమన్నారు. అందుకే షేక్​ హసీనా 16యేళ్లపాటు పాలించారన్నారు. బంగ్లాలో న్యాయవాది హత్య దారుణమన్నారు. భారత్​ లో ఉన్న ముస్లిం ఇమామ్​ లు కూడా బంగ్లా దాడులను ఖండించారని తెలిపారు. మరింత పరిస్థితులు దిగజారకుంగా చూసుకుంటేనే ఆ దేశానికి మంచిదన్నారు. బంగ్లా పరిస్థితులపై ఎవ్వరూ మాట్లాడినా, ప్రకటనలిచ్చినా మీడియా కూడా సంయమనం పాటించాల్సిన అవసరం ఉందన్నారు. పశ్చిమ బెంగాల్​ లో ప్రజాప్రయోజనాలను దృష్టిలో ఉంచుకొనే పనిచేయాలని మమతా బెనర్జీ అన్నారు.