ఇజ్రాయెల్​–ఇరాన్​ ప్రయాణాలు చేయొద్దు

న్యూఢిల్లీ: ఇజ్రాయెల్​–ఇరాన్​ ఉద్రిక్త పరిస్థితుల నేపథ్యంలో భారతీయులు ఆ దేశాలకు ప్రయాణాలు చేయకుండా ఉండడమే మంచిదని కేంద్ర విదేశీ వ్యవహారాల మంత్రిత్వ శాఖ ప్రయాణ సలహాలను జారీ చేసింది. మరోసారి ప్రయాణాలపై నోటీసులు జారీ చేసే వరకు భారతీయులు ఆ ప్రాంతాలకు వెళ్లకూడదని తెలిపింది. శుక్రవారం హెచ్చరికతో కూడిన నోటీసును విదేశీ మంత్రిత్వ శాఖ జారీ చేసింది. ఇరుదేశాల్లో ఉన్న భారతీయులు ఆయా దేశాల భారత రాయబార కార్యాలయాలతో సంప్రదింపుల్లో ఉండాలని పేర్కొంది.

ఇరాన్​ రానున్న 48 గంటల్లో ఇజ్రాయెల్​ పై దాడి చేసే అవకాశాలు ఉన్నందునే ఈ నోటీసు జారీ చేసినట్లు తెలుస్తోంది. భారత ప్రభుత్వం అక్కడ ఉన్న భారతీయుల కోసం నిరంతరం భద్రతా చర్యలకు సంబంధించి శ్రద్ధ వహిస్తోందని పేర్కొంది. వీలైనంత మేరకు ఓ మూడు, నాలుగు రోజులపాటు బయటికి వెళ్లకుండా ఉంటే మంచిదని పేర్కొంది. అదే సమయంలో భారత కార్యాలయాలను సంప్రదించి తమ తమ పేర్లను అందజేయాలని సూచించింది. ఒకవేళ ఇరుదేశాల మధ్యయుద్ధం అనివార్యమైతే భారతీయుల క్షేమం కోసమే తామీ నోటీసును జారీ చేసినట్లు వివరించింది.