మహా ఉద్యోగులకు దీపావళి బోనస్​ ప్రకటన

ముంబాయి: మహారాష్ట్ర ఎన్డీయే ప్రభుత్వం ఉద్యోగులకు తీపి కబురందించింది. మంగళవారం మహారాష్ట్ర సీఎం ఏక్​ నాథ్​ షిండే మీడియా సమావేశం నిర్వహించారు. దీపావళి బోనస్​ ను ప్రకటించారు. దీంతో బృహన్​ ముంబాయి మున్సిపల్​ కార్పొరేషన్​ 40వేల మంది ఉద్యోగులకు లబ్ధి చేకూరనుంది. బోనస్​ గా కింది స్థాయి ఉద్యోగులకు రూ. 29వేలు లభించనున్నాయి. టీచర్లు, ఆశావర్కర్లు, సోషల్​ హెల్త్​ వాలంటీర్లు, హెల్పర్లకు కూడా బోనస్​ లభించనుంది. గతేడాది దీపావళికి కూడా ఏక్​ నాథ్​ షిండే ప్రభుత్వం రూ. 26వేల బోనస్​ కు ప్రకటించింది గతం కంటే ఈసారి రూ. 3వేలు ఎక్కువగా బోనస్​ ను ప్రకటించడంలో ఉద్యోగుల్లో ఆనందం వ్యక్తం అవుతుంది. అయితే బోనస్​ ప్రకటించిన కొద్దిసేపటికే కేంద్ర ఎన్నికల కమిషన్​ ఎన్నికల తేదీలను ప్రకటించింది.