లంచం ఆరోపణలు అవాస్తవం

సాక్ష్యాలే లేకుండా ఆరోపణలా?: మహేశ్​ జెఠ్మలానీ
పత్రాల్లో వారి పేర్లే లేవు: ముకుల్​ రోహిత్గీ

ముంబాయి: అదానీ గ్రూప్​ పై అమెరికా విదేశీ అవినీతి చట్టం కింద లంచం ఆరోపణలు లేవని అదానీ గ్రూప్​, అదానీ గ్రీన్​ ఎనర్జీ స్పష్టం చేసింది. ఈ మేరకు బుధవారం సంస్థకు చెందిన గౌతమ్​ అదానీ, సార్​ అదానీ, వినీత్ జైన్​ లపై ఆరోపణల్లో వాస్తవం లేదని స్పష్టం చేసింది.  కంపెనీ తన ఎక్స్ఛేంజ్ ఫైలింగ్‌లో ఈ సమాచారాన్ని ఇచ్చింది. అదానీ గ్రూప్ అధికారులపై అవినీతి ఆరోపణలపై వివిధ మీడియా గ్రూపులు ప్రచురించిన నివేదికలు కూడా అవాస్తవమని ఎక్స్ఛేంజ్ ఫైలింగ్‌లో పేర్కొంది. ప్రకటన తరువాత అదానీ షెర్లలో భారీ పెరుగుదల నమోదవుతుంది. 

మహేశ్​ జెఠ్మలానీ..
అదానీ గ్రూప్​ పై కాంగ్రెస్​ రాహుల్​ గాంధీ చేస్తున్న ఆరోపణల్లో ఎలాంటి సాక్ష్యాలు లేవని అవన్నీ నిరాధారాలేనని సుప్రీంకోర్టు సీనియర్​ న్యాయవాది మహేశ్​ జెఠ్మలానీ అన్నారు. బుధవారం ఈ అంశంపై ఆయన మీడియాతో మాట్లాడారు. ఎలాంటి ఆధారాలు చూడకుండా గందరగోళం సృష్టించడంతో అనేకమంది పెట్టుబడిదారులు నష్టపోయారని అన్నారు. పార్లమెంట్​ లో జేపీసీ కోసం కాంగ్రెస్​ చేస్తున్న డిమాండ్​ కూడా తప్పేనని తాను స్పష్టం చేయాలని అనుకుంటున్నానన్నారు. సాక్ష్యాలు, కాంగ్రెస్​ విధానం చూస్తుంటే సాక్ష్యాలు, ఆధారాలు లేకుండా కేవలం బీజేపీపై కక్ష్యసాధింపు చర్యలకు దిగుతుందని స్పష్టంగా తెలుస్తుందన్నారు. ఏ విధంగానైనా అదానీ సంస్థ షేర్లకు నష్టం వాటిల్లే ఉద్దేశ్యం దీని వెనుక దాగి ఉందని జెఠ్మలానీ ఆరోపించారు.

ముకుల్​ రోహిత్గీ (మాజీ అటార్నీ జనరల్​)..
అదానీ గ్రూప్​ పై వచ్చి ఆరోపణల్లో పత్రాలను (అమెరికా న్యాయశాఖ డీఓజే) గమనిస్తే ఎలాంటి లంచం, న్యాయానికి ఆటంకం కలిగించినట్లు ఆరోపణలు లేవని భారత మాజీ అటార్నీ జనరల్​, ప్రముఖ న్యాయవాది ముకుల్​ రోహిత్గీ అన్నారు. బుధవారం ఆయన మీడియాతో మాట్లాడారు. 

తాను ఎవ్వరికీ ప్రతినిధిని కాదని, కానీ తాను పత్రాలను పరిశీలించి మీదట తన వ్యక్తిగత అభిప్రాయాలు తెలియజేస్తున్నానని తెలిపారు. యూఎస్​ అభియోగాల్లో అదానీ గ్రూప్​ అధికారుల పేర్లే లేవన్నారు. అజూర్ పవర్‌కు చెందిన కొందరు అధికారులు,  విదేశీ పెట్టుబడిదారుడితో సహా మరికొందరిపై మాత్రమే అభియోగాలు ఉన్నాయని గమనించినట్లు తెలిపారు. ఈ పత్రాల్లో ఏ అంశం స్పష్టంగా లేదన్నారు. ఎవరు లంచం ఇచ్చారు? ఎవరికి ఇచ్చారు? ఎంత ఇచ్చారు? ఎక్కడ ఇచ్చారు? ఏ రూపంలో ఇచ్చారు? లంచం ఎవరు అందుకున్నారు? అనే విషయాలపై స్పష్టత లేదని ముకుల్​ రోహిత్గీ అన్నారు.