పంది కిడ్నీ మానవుడికి.. రెండు నెలల తరువాత వ్యక్తి మృతి

వాషింగ్టన్​:  అమెరికాలో రెండు నెలల క్రితం పంది కిడ్నీ (మూత్రపిండాల)ని మార్పిడి చేయించుకున్న వ్యక్తి రిచర్డ్ రిక్​ స్లేమాన్ (62) మృతిచెందాడు. అయితే అతని మృతికి కిడ్ని మార్పిడి ఫెయిల్యూర్​ కాదని వైద్యులు ఆదివారం ప్రకటించారు. కిడ్ని మార్పిడి ఆపరేషన్​ విజయవంతంగా జరిగిందన్నారు. ప్రపంచంలో తొలిసారిగా పంది కిడ్నీని మనిషికి అమెరికా వైద్యులు అమర్చారు. అంతకుముందు ఇద్దరికి పంది గుండెను కూడా మార్చారు. కానీ ఈ శస్ర్త చికిత్సలు విజయవంతం కాలేదు. కాగా రిచర్డ్​ కు కిడ్నీ మార్పిడి 2018లో తొలిసారిగా జరిగింది. ఆ కిడ్నీ పూర్తిగా ఫెయిల్యూర్​ కావడంతో డయాలసిస్​ తో అతని ప్రాణాలను రక్షించారు. రెండు నెలలక్రితమే రిచర్డ్​ కు కిడ్నీని వైద్యులు విజయవంతంగా శస్ర్తచికిత్స ద్వారా మార్పిడి చేశారు. దీంతో వైద్యరంగంలో మరో నూతన శకం ఆరంభమైనట్లుగా కూడా వైద్యులు ప్రకటించారు. కానీ అనతి కాలంలోనే రిచర్డ్​ మరణంతో జంతువుల భాగాలు మనిషికి అమర్చే ప్రక్రియపై పలు అనుమానాల నీలినీడలు కమ్ముకుంటున్నాయి.