తైవాన్​ చుట్టూ చైనా విమానాలు, నౌకల మోహరింపు

నా తెలంగాణ, న్యూ ఢిల్లీ: తైవాన్​ ను చైనా పూర్తిగా చుట్టుముట్టింది. 62 విమానాలు, 27యుద్ద నౌకలను నాలుగు వైపుల నుంచి మోహరించింది. శనివారం ఉదయం వరకు తైవాన్​ జలసంధి నైరుతి, ఆగ్రేయ, తూర్పు ప్రాంతాలలో ఎయిర్​ డిఫెన్స్​ లను మోహరించిందని తైవాన్​ రక్షణ మంత్రిత్వ శాఖ వెల్లడించింది. ఈ చర్యలను తీవ్రంగా ఖండించింది. చైనా తైవాన్‌ను తన భాగంగా పేర్కొంటోంది. మరోవైపు తైవాన్​ స్వతంత్ర దేశంగా ప్రకటిస్తూ వస్తోంది. ఈ విషయంపై పలుమార్లు అంతర్జాతీయ సమాజం కూడా చైనాతో విబేధించింది. అయినా చైనా తన చర్యలను కొనసాగిస్తూ వస్తోంది. తైవాన్​ ను స్వాధీనం చేసుకుంటామని ప్రకటిస్తోంది. కాగా తైవాన్​ చుట్టూ చైనా యుద్ధ విమానాలు, నౌకలు మోహరించడాన్ని యూఎస్​ నిశితంగా పర్యవేక్షిస్తోంది. రెండు రోజుల క్రితం చైనా పీపుల్స్​ లిబరేషన్​ ఆర్మీ ద్వారా సంయుక్త సైనిక విన్యాసాలను కూడా నిర్వహించింది. ఈ పరిణామాలను అంతర్జాతీయ దేశాలు ఆందోళన వ్యక్తం చేస్తున్నాయి. ఇప్పటికే ప్రపంచంలో పలు దేశాల యుద్ధం వల్ల తీవ్ర ఉద్రిక్త పరిస్థితులున్నాయని పేర్కొంటున్నాయి.