ఢిల్లీలో నీటి కొరత సుప్రీంను ఆశ్రయించిన ప్రభుత్వం

నా తెలంగాణ, న్యూ ఢిల్లీ: ఢిల్లీలో తీవ్ర నీటి ఎద్దడిపై ప్రభుత్వం శుక్రవారం సుప్రీంకోర్టును ఆశ్రయించింది. హరియాణా, యూపీ, హిమాచల్​ ప్రదేశ్​ ల నుంచి నీటిని విడుదల చేసేలా ఆదేశాలివ్వాలని పిటిషన్​ లో కోరింది. హీట్​ వేవ్​ కారణంగా నీటికొరత ఏర్పడిందని దీన్ని దృష్టిలో ఉంచుకొని సుప్రీం నిర్ణయం తీసుకోవాలని విజ్ఞప్తి చేసింది. డిమాండ్​ పెరిగినందున నెలరోజులపాటు నీటిని అందించాలని ఆయా రాష్ట్రాలకు సూచించాలని కోరింది. కాగా ఢిల్లీలో నీటి కొరతకు సీఎం కేజ్రీవాల్​ ప్రభుత్వమే కారణమని శుక్రవారం బీజేపీ నాయకురాలు బాన్సూరి స్వరాజ్​ ఆందోళనకు దిగారు. జల్​ బోర్డును అప్పుల పాలు చేశారని విమర్శించారు.