కాంగ్రెస్​ కు వరుస షాక్​ లు ఢిల్లీ సీనియర్​ నేత ఓం ప్రకాశ్​ బిధూరి రాజీనామా!

నా తెలంగాణ, న్యూఢిల్లీ: మూడో దశ ఎన్నికలు సమీపిస్తుండగా కాంగ్రెస్​ పార్టీకి షాక్​ ల మీద షాక్​ లు తప్పడం లేదు.  గురువారం తుగ్లకాబాద్​ కాంగ్రెస్​ సీనియర్​ నాయకుడు ఆ పార్టీని వీడారు. రాజీనామా సమర్పించారు. ఎక్స్​ మాధ్యమంగా ఈ విషయాన్ని వెల్లడించారు. ఈ ప్రాంతం నుంచి హస్తం పార్టీకి ఓం ప్రకాశ్​ బిధూరి మూలస్తంభంలా ఉన్నారు.

ఆప్​ పార్టీతో పొత్తుపై ఈయన కూడా అసంతృప్తితో ఉన్నారు. మరోవైపు కాంగ్రెస్​ పై వస్తున్న అవినీతి ఆరోపణల నేపథ్యంలోని పలు చర్యలు కూడా ఇతన్ని ఇరకాటంలోకి నెట్టాయి. 

ఢిల్లీ కాంగ్రెస్​ అధ్యక్షుడు అరవిందర్​ సింగ్​ సింగ్​ లవ్లీ ఇటీవలే తన పదవికి రాజీనామా చేసిన విషయం తెలిసిందే. ఆ వెంటనే మరో ఇద్దరు నసీబ్​ సింగ్​, నీరజ్​ బసోయాలు కూడా బుధవారం రాజీనామా సమర్పించారు. తాజాగా బిధూరి రాజీనామాతో ఢిల్లీ కాంగ్రెస్​ ఖాళీ అవుతుందా? అనే అనుమానాలు నెలకొన్నాయి. 

కాగా లవ్లీ సింగ్​ రాజీనామా సందర్భంగా బిధూరి ఆయన చెప్పిన కారణాలను అంగీకరించారు. 

రాజీనామాపై ఓం ప్రకాశ్​ బిధూరి మాట్లాడుతూ.. ఆప్​ తో పొత్తుకారణంగానే పార్టీని వీడుతున్నానని తెలిపారు. కాంగ్రెస్​ పార్టీని గతంలో, ప్రస్తుత ఎన్నికల్లో కూడా దొంగలు అని, అవినీతిపరులని వ్యాఖ్యలు చేస్తుంటే అధిష్టానం పట్టించుకోవడం లేదని ఆవేదన వ్యక్తం చేశారు. ఆ పార్టీతో తెగదెంపులు చేసుకొని ఢిల్లీలో సొంతంగా రంగంలోకి దిగుదామన్నా పట్టించుకోకపోవడంతోనే మనస్థాపం చెందినట్లు ప్రకటించారు. 
కాగా ఓం ప్రకాశ్​ బిధూరి కాంగ్రెస్​ ను వీడి ఏ పార్టీలో చేరనున్నారనే విషయాన్ని ప్రకటించలేదు.