ఢిల్లీ కాలుష్యం ఎక్కువ అందుకే ఇక్కడికి రావడం లేదు

నాగ్​ పూర్​: ఢిల్లీలో వాయుకాలుష్యం ఎక్కువగా ఉన్నందున ఇక్కడికి రావాలని అనిపించడం లేదని బీజేపీ సీనియర్​ నేత, కేంద్ర రోడ్డు, రవాణా శాఖ మంత్రి గడ్కరీ అన్నారు. మంగళవారం నాగ్​ పూర్​ లోని ఓ కార్యక్రమంలో ఎంపీ గడ్కరీ మాట్లాడారు. గత కొద్దిరోజులుగా పెరుగుతున్న కాలుష్యం ఆందోళన కలిగిస్తుందన్నారు. శిలాజ ఇంధనాల వినియోగాన్ని తగ్గించడమే సరైన మార్గమన్నారు. ప్రస్తుతం కాస్త కాలుష్యం మెరుగుపడినా ఇప్పటికీ కలుషితంగానే ఉందన్నారు. ఎక్యూఐ 274 ఉందని గతం కంటే తగ్గిందన్నారు. నవంబర్​ తో పోలిస్తే ఢిల్లీ వాసులకు కాస్త ఊరటనిచ్చే అంశమే న్నారు. కాలుష్యం వల్ల పాఠశాలలు సైతం మూసివేయాల్సిన పరిస్థితి నెలకొనడం దురదృష్టకరమన్నారు. భారత్​ ప్రతీయేటా రూ. 22 లక్షల కోట్ల విలువైన శిలాజ ఇంధనాన్ని దిగుమతి చేసుకుంటుందని, ఇది ఆర్థిక వ్యవస్థ, పర్యావరణం, జీవావరణ కోణం నుంచి చూస్తే పెద్ద సవాల్ గా మారిందన్నారు. ప్రత్యామ్నాయ ఇంధనాలను ప్రోత్సహించడం ద్వారా శిలాజ ఇంధనాల దిగుమతిని తగ్గించుకోవచ్చన్నారు.