ఉగ్ర ఘటనల నిరోధానికి రక్షణ శాఖ సమావేశం

శ్రీనగర్​​: జమ్మూకశ్మీర్​ లో ఉగ్ర ఘటనలను నిరోధించేందుకు రక్షణ శాఖ మంత్రి రాజ్​ నాథ్​ సింగ్​ నేతృత్వంలో న్య ఢిల్లీ సౌత్​ బ్లాక్​ లో బుధవారం ఉన్నత స్థాయి సమావేశం నిర్వహించారు. ఈ సమావేశంలో ఉగ్రవాదాన్ని సమూలంగా తుదముట్టించే ప్రణాళికలపై చర్చించారు. ఉగ్రదాడులను ఎదుర్కొనేందుకు ఉన్న మార్గాలపై చర్చించారు. జమ్మూకశ్మీర్​ లో మరికొద్ది కాలంపాటు భద్రతా దళాలు హై అలర్ట్​ లో ఉంచాలని సమావేశంలో నిర్ణయించారు. 

కొండ, అటవీ, సొరంగ మార్గాలలో నక్కి ఉగ్రవాదులు ఆకస్మిక దాడులు జరపడంపై కూడా చర్చించారు. స్థానిక సహకారంపై కఠిన చర్యలకు సిద్ధం కావాలని అధికారులకు ఆదేశించారు. ఈసీ జమ్మూకశ్మీర్​ లో ఎన్నికల నిర్వహణకు సమాయత్తం అవుతుండగా ఈ సమావేశం కీలక ప్రాధాన్యను సంతరించుకుంది. ఉగ్రవాదాన్ని అరికట్టడంలో రక్షణ శాఖ ఏం వ్యూహం రూపొందిస్తుందో అనే చర్చ సర్వత్రా కొనసాగుతోంది. 

ఈ సమావేశంలో ఆర్మీ చీఫ్​ లతోపాటు, రా చీఫ్​ అజిత్​ ధోవల్​ కూడా పాల్గొన్నారు.