చైనా స్టీల్​ బుల్లెట్లు  అమెరికా ఎం–4, ఏకే–47 తుపాకులతో పూంచ్​ లో ఉగ్రదాడి

పూంచ్​: కాశ్మీర్​ పూంచ్​ దాడిలో భద్రతా దళాలకు విస్తుపోయే నిజాలు వెల్లడవుతున్నాయి. ఆదివారం నిర్వహించిన సెర్చ్​ ఆపరేషన్​ లో చైనాకు చెందిన స్టీల్​ బుల్లెట్లు లభ్యమయ్యాయి. ఈ బుల్లెట్లను చైనా పాక్​ ఆర్మీకి సరఫరా చేసినట్లు అధికారులు వెల్లడించారు. అక్కడి నుంచి అవి ఉగ్రవాదుల చేతుల్లోకి చేరి ఉంటాయని తెలిపారు. సాధారణంగా బుల్లెట్లను ఉక్కుతో తయారు చేస్తారు. వీటికి ధర అధికంగా ఉండడంతో చైనా స్టీల్​ తో బుల్లెట్లను రూపొందించి పలు దేశాలకు సరఫరా కూడా చేస్తోంది. వీటి ధర కూడా ఉక్కు బుల్లెట్ల కంటే చాలా తక్కువ కావడంతో పలు దేశాలు ఈ బుల్లెట్లను వాడేందుకు ఇష్టపడుతున్నాయి. ఈ బుల్లెట్లకు బుల్లెట్​ ప్రూఫ్​ వాహనాలను సైతం చీల్చుకొని వెళ్లే సామర్థ్యం ఉండడం విశేషం.

శనివారం జరిగిన దాడిలో అమెరికాలో తయారు చేసిన ఎం-4 రైఫిళ్లు, ఏకే-47 తుపాకుల, చైనా స్టీల్​ బుల్లెట్లతో మొదటిసారిగా ఉగ్రవాదులు వాయుసేన కాన్వాయ్‌పై దాడికి పాల్పడినట్లు అధికారులు స్పష్టం చేశారు. 

కాగా ఉగ్రవాదుల కోసం భద్రతా దళాలు 20 కిలోమీటర్ల మేర సెర్చింగ్​ ఆపరేషన్​ చేపట్టాయి. ఆ ప్రాంతానంతా చుట్టుముట్టి జల్లెడ పడుతున్నాయి.