ఐపీసీ ‘498ఎ’పై దేశవ్యాప్త ఆందోళన

సుభాష్​ మృతితో వరకట్న కేసులపై మారోమారు రెకెత్తుతున్న అనుమానాలు
ఈ చట్టంకింద నమోదయ్యే కేసులపై జాగ్రత్తగా వ్యవహరించాలని సుప్రీం ఆదేశం
మృతికి కారణమైన వారిపై చర్యలు తీసుకోవాల్సిందేనన్న పురుషుల హక్కుల సంఘం

బెంగళూరు: వరకట్న వేధింపుల కేసుపై సోమవారం ఆత్మహత్యకు పాల్పడ్డ సాఫ్ట్​ వేర్​ ఉద్యోగి అతుల్​ సుభాష్​ కేసు దేశంలో సంచలనం సృష్టిస్తుంది. వరకట్న వేధింపుల పేరుతో దేశవ్యాప్తంగా ఐపీసీ ‘498ఎ’ను దుర్వినియోగం చేస్తున్నారనే చర్చ మరోమారు తెరపైకి వచ్చింది. దీనిపై సుప్రీంకోర్టు ఆందోళన వ్యక్తం చేసింది. ఈ చట్టం కింద నమోదైన కేసులపై జాగ్రత్తగా వ్యవహరించాలని అధికారులకు, ఆయా రాష్​ర్టాల న్యాయస్థానాలకు సూచించింది. 498 ఎ కింద నమోదైన కేసుల్లో ఆరోపణలపై పూర్తి విచారణ అనంతరమే కేసులు నమోదు చేయాలని పేర్కొంది. సుభాష్​ ఆత్మహత్య సందర్భంగా వీడియో విడుదల చేస్తూ తన ఆవేదనను వ్యక్తం చేశాడు. దీంతో వరకట్న కేసులపై మరోమారు ప్రశ్నలు తలెత్తుతున్నాయి. నేషనల్ క్రైమ్ రికార్డ్స్ బ్యూరో (ఎన్​ సీఆర్​ బీ) వరకట్న వేధింపుల నకిలీ కేసుల డేటాను పరిశీలిస్తే 2022లో చట్టం కింద మొత్తం 356 కేసులు,  2021లో 418, 2020లో 297, 2019లో 462 కేసులు తప్పుడు కేసులుగా నిర్థరించారు. కాగా అతుల్​ సుభాష్​ మరణంపై ఢిల్లీకి చెందిన పురుషుల హక్కుల సంఘం కార్యకర్త బర్ఖా టెహ్రాన్​ తీవ్రంగా ఖండించాడు. ఇతని మరణానికి వరకట్న కేసే కారణమన్నాడు. భార్య, అత్తా, మామలు, వీడియోలో విడుదల చేసిన వారిపై హత్యాయత్నం కింద కేసు నమోదు చేసి అరెస్టు చేయాలని డిమాండ్​ చేశాడు.