రైతుల సంక్షేమానికి డిసిఎంఎస్ కృషి
డీసీఎంఎస్ చైర్మన్ శివ కుమార్
నా తెలంగాణ, సంగారెడ్డి టౌన్: రైతుల సంక్షేమానికి డిసిఎంఎస్ కృషి చేస్తుందని ఉమ్మడి మెదక్ జిల్లా డిసిఎంఎస్ చైర్మన్ మల్కాపురం శివకుమార్ అన్నారు. సంగారెడ్డి పట్టణంలోని పాత కలెక్టరేటు కాంప్లెక్స్ లో మెదక్ డీసీఎంఎస్ మహాజన సభ సమావేశం శుక్రవారం శివకుమార్ అధ్యక్షతన జరిగింది. ఈ సందర్భంగా ఆయన మాట్లాడుతూ సమావేశానికి ఉమ్మడి మహాజన సభ సమావేశపు అజెండా అంశాల తీర్మానాలు, తీసుకున్న చర్యలు డీసీఎంఎస్ మహాజన సభ ఏకగ్రీవంగా ఆమోదించింది.
ఈ సమావేశంలో మెదక్ జిల్లాలోని సహకార సంఘాల అధ్యక్షులు, డీసీసీబీ ఉపాధ్యక్షులు పట్నం మాణిక్యం, డీసీఎంఎస్ ఉపాధ్యక్షులు అరిగె రమేష్ కుమార్, మార్క్ ఫెడ్ డైరెక్టర్ జగన్మోహన్ రెడ్డి, జిల్లా వ్యవసాయ అధికారి సంగారెడ్డి జిల్లా శివప్రసాద్, డీసీసీబీ సీఈఓ శ్రీనివాస్, డీసీఎంఎస్ డైరెక్టర్లు, డీసీసీబీ డైరెక్టర్లు, డీసీఎంఎస్ బిజినెస్ మేనేజర్ ఆంజనేయులు తదితరులు హాజరయ్యారు.
