మమతపై నమ్మకం లేదు కాంగ్రెస్​ నేత అధీర్​ రంజన్​ చౌదరి

నా తెలంగాణ, న్యూ ఢిల్లీ: పశ్చిమ బెంగాల్​ సీఎం మమత బెనర్జీ ఎప్పుడైనా ఎటువైపైనా మొగ్గు చూపవచ్చని, ఆమెపై తనకు ఏ మాత్రం నమ్మకం లేదని కాంగ్రెస్​ ఎంపీ అధీర్​ రంజన్​ చౌదరి అన్నారు. గురువారం ఆయన మీడియాతో మాట్లాడారు. కేంద్రంలో ఏర్పడే సంకీర్ణ ప్రభుత్వానికి బయటి నుంచి మద్దతునిస్తామని ఆమె చేసిన ప్రకటనపై అధీర్​ రంజన్​ మండిపడ్డారు.

బీజేపీ కేంద్రంలో అధికారంలోకి వస్తే ఆమె అటువైపే వెళుతుందన్నారు. మమత గతంలో కాంగ్రెస్​ ను తీవ్రంగా విమర్శించేవారన్నారు. 40 సీట్లు కూడా తమ పార్టీకి రావని చెప్పేవారని పేర్కొన్నారు. ఇప్పుడు కూటమికి మద్దతిస్తానని ఓసారి కేంద్రంలో ఏర్పడే ప్రభుత్వానికే తన మద్దతు అని ఇంకోసారి ప్రకటించడాన్ని చూస్తే ఆమె ఏ విధంగా ప్లేటు ఫిరాయిస్తుందో ఎవ్వరికి తెలియదని అధీర్​ రంజన్​ చెప్పారు.