పాక్ లో చైనా ఆర్మీ!
Chinese Army in Pakistan!
తమ పౌరుల భద్రకేనంటున్న డ్రాగన్
ఇరుదేశాల చర్యలపై కన్నేసిన భారత్
నా తెలంగాణ, సెంట్రల్ డెస్క్: పాక్ లో చైనా జాతీయులపై జరుగుతున్న ఉగ్ర దాడులపై ఇక చైనా సైన్యం రంగంలోకి దిగినుంది. ఇందుకు సంబంధించి ఇటీవలై చైనా అత్యున్నత స్థాయి సమావేశం నిర్వహించింది. ఈ సమావేశంలో చైనా సెంట్రల్ మిలిటరీ కమీషన్ వైస్ చైర్మన్, ఇద్దరు సైనిక అధికారులలో ఒకరైన జనరల్ జాంగ్ యూక్సియా, ఉన్నత స్థాయి ప్రతినిధి బృందంతో పాకిస్తాన్ తో చర్చలు జరిపారు. ఈ రెండు దేశాల మధ్య ప్రాంతీయ భద్రతా డైనమిక్స్, ప్రాంతీయ స్థిరత్వ చర్యలు, ద్వైపాక్షిక రక్షణ సహకారాన్ని పెంపొందించడంపై చర్చలు నిర్వహించారు. పాక్ లో పలు ప్రాజెక్టుల్లో పనిచేస్తున్న చైనా జాతీయుల భద్రతపై ఇక పాక్ ను నమ్మలేమన్నారు. తమ ఆర్మీ వారికి భద్రతా చర్యలు కల్పిస్తుందని స్పష్టం చేశారు. ఇందుకు పాక్ అధికారులు కూడా ఒప్పుకున్నారు. దీంతో అతిత్వరలోనే పాక్ లో చైనా జాతీయులు పనిచేస్తున్న ప్రాజెక్టుల వద్ద ఆ దేశ ఆర్మీ రంగంలోకి దిగనుంది. పాక్ పెంచిపోషించిన ఉగ్రవాదం ఇప్పుడు ఆ దేశంపైనే బుసలు కొడుతోంది. దీంతో ఏ దేశాలు పాక్ ను నమ్మే దిశలో, ఆర్థికంగా ఆదుకునే విషయంలో ముందుకు రావడం లేదు. ఇక తప్పదన్నట్లు తమ భూభాగంపై చైనాకు ఆధిపత్యాన్ని పాక్ కల్పించింది. ఇదే అంశం నచ్చని కొన్ని ఉగ్ర సంస్థలు చైనా జాతీయులపై వరుస దాడులకు పాల్పడుతున్నారు.
భారత్ అప్రమత్తం..
పాక్, చైనాలు భారత్ కు పైకి మిత్ర దేశాల్లా నటిస్తూనే లోపల వెన్నుపోటు పొడిచే (మిత్రద్రోహ) దేశాలని అందరికీ తెలిసిందే. ఈ నేపథ్యంలో భారత్ ఇంటలిజెన్స్, ప్రభుత్వం కూడా వీరి చర్యలపై ఓ కన్నేసింది. ఇటీవల పాక్ నుంచి జమ్మూకశ్మీర్ లోకి చొరబడుతున్న ఉగ్రవాదుల ఆటకట్టించడంలో భారత ఆర్మీ చురుగ్గా వ్యవహరిస్తుంది. వారి ప్రతీ చర్యను అడ్డుకుంటూ వారికి భారీగా నష్టం వాటిల్లేలా చేస్తుంది. భారత్ కు దారితీసే అన్ని సరిహద్దుల్లో అత్యాధునిక డ్రోన్ లు, సాంకేతిక పరిజ్ఞానం వినియోగంతో ఉగ్రవాదం ఆటకట్టిస్తోంది. ఈ నేపథ్యంలో చైనా జాతీయులపై దాడి పేరుతో చైనా ఆర్మీని పాక్ లోకి పంపి ఆయుధాలు, యుద్ధసామాగ్రి వంటి అత్యాధునిక ఆయుధాలను పంపే అవకాశం కూడా లేకపోలేదని విశ్లేషకులు భావిస్తున్నారు. మరోవైపు ఐఎస్ ఐ సహాయంతో ఉగ్రవాదులను ముందుకు తోసి వెనక చైనా ఆర్మీ కాపుకాసే అవకాశం ఉందనే వాదనలు వినబడుతున్నాయి. ఏది ఏమైనా భారత్ అన్ని విధాలా అప్రమత్తతను పాటిస్తుంది. ఇటీవలే జమ్మూకశ్మీర్ లో జరిగిన ఓ దాడి సందర్భంగా చైనాకు చెందిన బుల్లెట్లు, ఆయుధాలు లభించాయి.
