సమస్యలు పట్టించుకోని చైర్మన్​, కమిషనర్​

నా తెలంగాణ, రామకృష్ణాపూర్: ప్రజా సమస్యలను పరిష్కరించని మున్సిపాలిటీ చైర్మన్​, కమిషనర్​ వ్యవహరిస్తున్న తీరుపై క్యాతన్​ పల్లి బీఆర్​ఎస్​, బీజేపీ కౌన్సిలర్లు నిరసనకు దిగారు. మున్సిపాలిటీ కార్యాలయంలో నిర్వహించిన కౌన్సిల్​ సాధారణ సమావేశం జరిగింది. ఈ సమావేశంలో నిరసనకు దిగిన బీఆర్​ ఎస్​​, బీజేపీ, కో ఆప్షన్​ సభ్యులు సభను మధ్యలోనే వాకౌవుట్​ చేశారు. ఈ సందర్భంగా పలువురు నాయకులు మీడియాతో మాట్లాడారు. రోడ్లు, ఈగలు, దోమల వల్ల ప్రజలు తీవ్ర సమస్యలతో సతమతం అవుతున్నారని అన్నారు. వర్షాకాలంలో సరైన జాగ్రత్తలు తీసుకోవాలని పలుమార్లు కోరినా కమిషనర్​ పట్టించుకోవడం లేదని ఆరోపించారు. ఆయా సమస్యలను స్థానికులు, మున్సిపాలిటీ కార్మికులు కూడా ఉన్నతాధికారుల దృష్టికి తీసుకువెళితే వారినే భయపెడుతున్నారని మండిపడ్డారు. రెండు నెలల క్రితం కార్మికుడు మృతి చెందితే ఇంతవరకూ ఆ కుటుంబానికి రావాల్సిన ఆర్థిక సహాయం అందజేయలేదన్నారు. కార్మికుల సమస్యలనే పట్టించుకోని కమిషనర్​ చర్యలపై మండిపడ్డారు.