ప్రముఖుల ఓట్లు–3

నా తెలంగాణ, న్యూ ఢిల్లీ: ఆరోదశ ఎన్నికలు ప్రశాంతంగా కొనసాగుతున్నాయి. ఈ నేపథ్యంలో ఉదయం నుంచే ప్రముఖులు ఓటేసేందుకు క్యూ కట్టారు. 

సంజయ్​ జై స్వాల్​..

బిహార్​ లోని పశ్చిమ చంపారన్​ స్థానం నుంచి పోటీలో ఉన్న బీజేపీ అభ్యర్థి సంజయ్​ జై స్వాల్​ ఓటు వేశారు. అనంతరం ఆయన మీడియాతో మట్లాడారు. కేంద్రంలోని ప్రభుత్వం నిరుపేదల సంక్షేమమే కాంక్షిస్తుందన్నారు. 400 దాటుతామని జై స్వాల్​ ధీమా వ్యక్తం చేశారు. ప్రజాస్వామ్యంలో ప్రతీ ఒక్కరూ ఓటు వేయాలని పిలుపునిచ్చారు.

ఆటోలో బీజేడీ నేత వీకే పాండియన్​..

ప్రజాస్వామ్యంలో పండుగరోజన్నారు. ప్రతీ ఒక్కరూ తప్పకుండా ఓటు హక్కు వినియోగించుకోవాలని బీజేడీ నాయకుడు వీ.కె. పాండియన్​ విజ్ఞప్తి చేశారు. భువనేశ్వర్​ లోని పోలింగ్​ బూత్​ కు ఆటోలో వచ్చిన ఆయన తన ఓటు హక్కు వినియోగించుకున్నారు. తనను ఓటరు కేంద్రానికి చేర్చినందుకు ఆటో అసోసియేషన్​ కు ధన్యవాదాలు తెలిపారు. వారి కోరిక మేరకు ఆటోలో వచ్చి ఓటు హక్కు వినియోగించుకున్నారు.

జమ్మూకశ్మీర్​ బీజేపీ అధ్యక్షుడు రవీందర్​ రైనా..

ఓటింగ్​ సందర్భంగా జమ్మూకశ్మీర్​ లో ఉత్సాహపూరిత వాతావరణం నెలకొందని బీజేపీ జమ్మూకశ్మీర్ అధ్యక్షుడు రవీందర్​ రైనా తెలిపారు. శనివారం ఉదయం రాజౌరిలో రైనా ఓటు వేసిన అనంతరం మీడియాతో మాట్లాడారు. లోక్​ సభ ఎన్నికలు భారత ప్రజాస్వామ్యానికి పండుగ లాంటివన్నారు. ఉదయం నుంచే భారీ ఎత్తున ఓటింగ్​ లో పాల్గొనేందుకు ప్రజలు మక్కువ చూపడం ప్రజాస్వామ్య విజయం అన్నారు. ఈ స్థానం నుంచి జేకేఎన్​ సీ మియాన్​ అల్తాఫ్​ అహ్మాద్​ నుపోటీకి దింపగా, పీడీపీ నుంచి మెహబూబా ముఫ్తీ పోటీలో ఉన్నారు. ఇక్కడ బీజేపీ అభ్యర్థిని నిలబెట్టలేదు.

హ్యాట్రిక్​ ఖాయమే బీజేపీ అభ్యర్థి నిరాహువా..

బోలేనాథ్​ ఆశీస్సులతో తన విజయం సునాయాసమేనని యపీ అజంగఢ్​ బీజేపీ అభ్యర్థి దినేష్​ లాల్​ యాదవ్​ నిరాహువా అన్నారు. ఆయన శనివారం తన ఓటు హక్కును వినియోగించుకున్నారు. ఈ సీటును కైవసం చేసుకునే సత్తా బీజేపీకే ఉందన్నారు. దేశాభివృద్ధికి ప్రతీ ఒక్కరూ సహకరించాలన్నారు. దేశంలో మరోమారు బీజేపీ హ్యాట్రిక్​ ఖాయమన్నారు.

సోనియాగాంధీ..

కాంగ్రెస్​ పార్లమెంటరీ పార్టీ అధ్యక్షురాలు సోనియాగాంధీ, రాహుల్​ గాంధీలు ఢిల్లీలో తమ ఓటు హక్కును వినియోగించుకున్నారు. ప్రియాంక గాంధీ వాద్రా తన ఓటు హక్కు వినియోగించుకున్నారు. ప్రజాస్వామ్యంలో పెద్ద ఎత్తున ప్రజలు ఓట్లేసేందుకు రావడం గర్వకారణమని ప్రియాంక గాంధీ స్పష్టం చేశారు.