తెలంగాణ గవర్నర్ గా ​సీపీ రాధాకృష్ణన్​

నా తెలంగాణ, హైదరాబాద్: తమిళిసై సౌందరరాజన్ స్థానంలో జార్ఖండ్ గవర్నర్ సీపీ రాధాకృష్ణన్‌ కు మంగళవారం తెలంగాణ గవర్నర్​గా అదనపు బాధ్యతలను అప్పగించారు. ఈ మేరకు రాష్ట్రపతి భవన్  ఉత్తర్వులు జారీ చేసింది. రాధాకృష్ణన్ నియామకం తెలంగాణకు తమిళనాడు నుంచి వచ్చిన మూడో గవర్నర్​ కావడం విశేషం. మొదటి గవర్నర్ నరసింహన్ కాగా రెండో గవర్నర్ తమిళిసై సౌందరరాజన్. కోయంబత్తూరు నుంచి బీజేపీ అభ్యర్థిగా రెండుసార్లు పార్లమెంటు సభ్యుడు అయిన రాధాకృష్ణన్ 2023 లో జార్ఖండ్ గవర్నర్‌గా బాధ్యతలు చేపట్టారు . పదవికి రాజీనామా చేసిన గవర్నర్ తమిళిసై సోమవారం తమిళనాడు ఎన్నికల్లో పోటీ చేయాలని భావిస్తున్నారనే వ్యాఖ్యలు వినవస్తున్నాయి. తెలంగాణ నూతన గవర్నర్​గా నియమితులైన రాధాకృష్ణన్​కి పలువురు అభినందనలు తెలిపారు.