అమెరికాలో బర్డ్​ ఫ్లూ విజృంభణ

వాషింగ్టన్​: అమెరికాలో బర్డ్​ ఫ్లూ వ్యాధి విజృంభిస్తోంది. సోమవారం వరకు 48 రాష్ట్రాల్లో 9 కోట్లకు పైగా కోళ్లకు వ్యాపించింది. భారత్​ లోనూ ఈ కేసులు వెలుగు చూస్తున్నాయి. బర్డ్​ ఫ్లూ పై అమెరికా వైద్యాధికారి రాబర్ట్​ రెడ్​ ఫీల్డ్​ మాట్లాడుతూ ఈ వ్యాధి కరోనాలా విజృంభించే అవకాశం ఉందని చెప్పారు. కరోనా మరణాల కంటే బర్డ్​ ఫ్లూ మరణాల శాతం ఎక్కువన్నారు. ఈ వ్యాధి హెచ్​–5 ఎన్​ –1 అనే వైరస్​ ద్వారా సంక్రమిస్తుంది. సోకిన ప్రతీ పదిమందిలో ఆరుగురు చనిపోయినట్లు రికార్డులు వెల్లడిస్తున్నాయని రాబర్ట్​ తెలిపారు. ఈ వ్యాధి పక్షుల ద్వారా జంతువులకు వ్యాపిస్తుందని తద్వారా మనుషులకు కూడా వ్యాపిస్తుందని స్పష్టం చేశారు. అయితే ఈ వ్యాధికారక బ్యాక్టీరియాలో నాలుగు రకాలున్నట్లు ఆయన స్పష్టం చేశారు. ఇన్ఫ్ల్యూ యేంజా ఏ, బీ,సీ,డీ నాలుగురకాలున్నాయని చెప్పారు. ఈ తరహా నాలుగు రకాలు ఎక్కువగా మనుషులకు సోకే అవకాశం లేదన్నారు. హెచ్​–5 ఎన్​ –1, హెచ్​–7 ఎన్​ –9 రకాల వైరస్​ మాత్రమే మనుషులకు సోకే ప్రమాదం ఉందన్నారు. దీనికి తోడు ప్రస్తుతం విజృంభిస్తున్న వైరస్​ హెచ్​–9 ఎన్​–2గా గుర్తించాని ఇది మానవాళికి కొత్త ముప్పును తీసుకువచ్చే ప్రమాదం లేకపోలేదని రాబర్ట్​ రెడ్​ ఫీల్డ్​ ఆందోళన వ్యక్తం చేశారు. కాగా ఇటీవలే బర్డ్​ ఫ్లూ కు సంబంధించిన రెండు కేసులు కూడా భారత్​ లో నమోదైనట్లు కేంద్ర ఆరోగ్య శాఖ వెల్లడించింది.