మహాలో సీట్ల పంపకం అసంతృప్తి జ్వాలల్లో హస్తం నేతలు

మహారాష్ట్ర: మహారాష్ట్ర ఎంవీఏ (మహావికాస్ అఘాడిలో)లో సీట్ల పంపకం తర్వాత ముంబై కాంగ్రెస్‌లో తీవ్ర అసంతృప్తి జ్వాలలు ప్రజ్వరిల్లుతున్నాయి. సీట్ల పంపకాల సందర్భంగా ముంబై కాంగ్రెస్​ అధ్యక్షురాలు వర్షా గైక్వాడ్​ గైర్హాజరయ్యారు. మంగళవారం ఎంవీఏలో సీట్ల పంపకాలను ప్రకటించారు. కాంగ్రెస్​, ఎన్సీపీ, శివసేన ఇండి కూటమి పార్టీలు. సీట్ల షేరింగ్​ లో శివసేన (ఉద్ధవ్​ ఠాక్రే)కు అత్యధికంగా 21 సీట్లు దక్కాయి. కాంగ్రెస్​ కు 17, ఎన్సీపీ (శరద్​ పవార్)కు 10 సీట్లు దక్కాయి. ఠాక్రే ముందు కాంగ్రెస్​ హైకమాండ్​ తలవంచడం ఏంటని దగ్గరి నాయకుల వద్ద వర్షా ఆగ్రహం వ్యక్తం చేసినట్లు సమాచారం. త్వరలోనే ఆమె పార్టీ వీడనున్నట్లు కూడా పలువురు నాయకులు గుసగుసలాడుతుండడం విశేషం. ఏది ఏమైనా కాంగ్రెస్​ ప్రకటించిన సీట్లే అంతిమమని ఆ నిర్ణయాన్ని అందరూ స్వాగతించాల్సిందేనని మరో కాంగ్రెస్​ నాయకుడు నానా పటోలే అన్నారు. అయితే పార్టీల చీలిక తరువాత ఎన్సీపీ, శివసేనలు తొలిసారిగా ఎంపీ ఎన్నికల్లో పోటీ చేయనున్నాయి.