బద్లాపూర్​ లైంగికదాడి 300మందిపై ఎఫ్​ ఐఆర్​, 50 మంది అరెస్ట్​

ముంబై: బద్లాపూర్​ పాఠశాలలో బాలికలపై లైంగిక దాడి ఆరోపణలు, ఆందోళనలు, నిరసనలు బుధవారం కూడా కొనసాగుతున్నాయి. మహారాష్ర్టలోని థానేలో  కొనసాగిన ఆందోళనలపై ఇప్పటివరకు 300మందిపై ఎఫ్​ ఐఆర్​ లు నమోదు చేసినట్లు, 50 మందిని అరెస్టు చేసినట్లు అధికారులు తెలిపారు. ఆందోళనకారులు మంగళవారం పెద్ద పెట్టున బద్లాపూర్​ రైల్వేస్టేషన్​ లో ఆందోళనలకు దిగారు. దీంతో పోలీసులు, ఆందోళనకారులకు మధ్య ఉదయం నుంచి రాత్రి వరకు పెద్ద పెట్టున దాడులు, లాఠీచార్జీలు కొనసాగాయి.  ఆందోళనకారులు పాఠశాలను కూడా ధ్వంసం చేశారు. 

ఆరోపణలపై ఇప్పటికే పోలీసులు అక్షయ్​ షిండే అనే క్లీనర్​ ను అరెస్టు చేశారు. ఆందోళనల దృష్ట్యా పలువురు నాయకులు, పోలీసు ఉన్నతాధికారులు ఆందోళనకారులను శాంతింప చేసేందుకు ప్రయత్నించినా వారు శాంతించలేదు. నిందితులను ఉరితీయాలని డిమాండ్​ చేశారు. గంటగంటకు ఆందోళనలు కొత్త ప్రాంతాలకు పాకుతుండడంతో పోలీసులు ఇంటర్నెట్​ ను పూర్తిగా నిలిపివేశారు.

మరోవైపు ఆందోళనల నేపథ్యంలో పాఠశాల ప్రిన్సిపాల్​, తరగతి ఉపాధ్యాయుడు, మరో ఇద్దరు ఉద్యోగులను సస్పెండ్​ చేస్తున్నట్లు మహారాష్ర్ట విద్యాశాఖ ప్రకటించింది. కేసును ఐజీ ర్యాంక్​ ఐపీఎ అధికారిణి ఆర్తీ సింగ్​ కు విచారణ నిమిత్తం అప్పజెప్పారు. సీఎం ఏక్​ నాథ్​ షిండే, డిప్యూటీ సీఎం దేవేంద్ర ఫడ్నవీస్​ లు ఘటనపై విచారం వ్యక్తం చేస్తూ ప్రజలు ఆందోళనలకు దిగవద్దని బాధిత కుటుంబానికి పూర్తి న్యాయం చేకూరుతుందని, ఘటనకు బాధ్యులైన వారిపై కఠిన చర్యలు తీసుకుంటామని ప్రకటించారు. 

అదే సమయంలో ఈ కేసు విచారణకు ఫాస్ట్​ ట్రాక్​ కోర్టు ను ఏర్పాటు చేస్తామని హామీ ఇచ్చారు. మరోవైపు బాలికలపై లైంగిక దాడుల కేసు పై ఓ న్యాయవాది హైకోర్టులో పిటిషన్​ దాఖలు చేశారు.