రక్షణ బలోపేతానికి మంత్రి రాజ్​ నాథ్​ సింగ్​ అమెరికా పర్యటన

నా తెలంగాణ, న్యూ ఢిల్లీ: రక్షణ శాఖను మరింత బలోపేతం చేసే దిశగా కేంద్ర రక్షణ శాఖ మంత్రి రాజ్​ నాథ్​ సింగ్​ చర్యలు ప్రారంభించారు. ఆగస్ట్ 23న అమెరికాలో పర్యటించనున్నట్లు బుధవారం రక్షణశాఖ అధికారులు తెలిపారు. రక్షణ రంగంలో రాజ్​ నాథ్​ పర్యటన అతి ముఖ్యమైనదిగా భావిస్తున్నారు. ఈ పర్యటనతో భారత్​–అమెరికా రక్షణ రంగాలు మరింత బలోపేతం చేసే దిశగా చర్యలు తీసుకోనున్నారు. ఈ పర్యటనలో అమెరికా అధ్యక్ష కార్యదర్శి జాక్​ సుల్విన్​ తో మంత్రి రాజ్​ నాథ్ సింగ్​ భేటీ కానున్నారు. అమెరికా రక్షణ పరిశ్రమ అధికారులతో రాజ్​ నాథ్​ సింగ్​ రౌండ్ టేబుల్ సమావేశాన్ని నిర్వహించనున్నారు. ఇందులో రక్షణ పరిశ్రమలో జరుగుతున్న పనులు, భవిష్యత్ రక్షణ ఒప్పందాలపై చర్చించనున్నారు. ఈ పర్యటనలో అమెరికాలో ఉన్న ప్రవాస భారతీయులతో మంత్రి రాజ్​ నాథ్​ సింగ్​ సంభాషించనున్నారు. 

భారత్​ లో విమానాలు, వాటి విడిభాగాలపై రక్షణ శాఖ అధికారులతో రాజ్​ నాథ్​ సింగ్​ సుధీర్ఘ చర్చలు జరపునున్నట్లు తెలుస్తోంది. భారత్​ కు అమెరికా అందిస్తామన్న విమానాల ఆలస్యంపై మంత్రి చర్చలు జరపనున్నారు. వీలైనంత త్వరగా వాటిని అందించాలని అమెరికాకు విజ్ఞప్తి చేయనున్నారు.