4న బీజేపీ శాసనసభా పక్ష సమావేశం

5న సీఎం ప్రమాణ స్వీకారం
సీఎంగా తనపేరే ముందన్న షిండే
మోదీ, షా నిర్ణయాలకు కట్టుబడి ఉంటానని ప్రకటన
ఆర్థిక, హోంశాఖ మంత్రిత్వ పదవులపైనే పేచీ

ముంబాయి:  మహారాష్ట్ర సీఎంగా దేవేంద్ర ఫడ్నవీస్​ ఎంపికైనప్పటికీ పేరు ప్రకటనలో జాప్యం నెలకొంటుంది. 4వ తేదీన బుధవారం బీజేపీ శాసనసభా పక్షం సమావేశం నిర్వహించనున్నట్లు పార్టీ వర్గాలు సోమవారం మీడియాకు తెలిపాయి. ఈ మేరకు కేంద్ర హోంశాఖ మంత్రి అమిత్​ షా 3వ తేదీనే ఎన్నికైన బీజేపీ ఎమ్మెల్యేలంతా ముంబాయికి రావాలని ఆదేశించారు. సమావేశంలో శాసనసభా పక్ష నేత ఎన్నిక, ఓటింగ్​ జరపనున్నట్లు సమాచారం. మరోవైపు సతారా స్వంత గ్రామం నుంచి తిరిగి వచ్చిన షిండే, సీఎంగా తన పేరు ముందు వరుసలో ఉన్నా ప్రధాని మోదీ, కేంద్రమంత్రి అమిత్​ షాలు తీసుకున్న నిర్ణయంపై కట్టుబడి ఉంటానన్నారు. అదే సమయంలో ఆర్థిక, హోంశాఖ లాంటి పెద్ద మంత్రిత్వ శాఖలను కోరుతున్నారు. వీటిపై నిర్ణయం తీసుకోవడంలోనే ఆలస్యం జరుగుతుంది. 132 ఎమ్మెల్యేలను గెలిపించుకున్న బీజేపీ సీఎంతోపాటు ఇలాంటి పెద్ద మంత్రిత్వ శాఖలను షిండే, పవార్​ లకు ఇచ్చేందుకు వెనుకాడుతోంది. వీటికి బదులుగా ఇతర శాఖలను ఇవ్వాలనే దానిపైనే పేచీ నెలకున్నట్లు సమాచారం.  ఏది ఏమైనా 5వ తేదీన గురువారం సీఎం ప్రమాణ స్వీకారం ఖాయమేనని బీజేపీ వర్గాలు స్పష్టం చేశాయి.