మైనార్టీలు, ఆలయాలపై దాడులు
Attacks on minorities and temples
ఢాకా: బంగ్లాదేశ్ లో రాజకీయ అస్థిరత నేపథ్యంలో హిందువులు, మైనార్టీలు, ఆలయాలపై దాడులు జరుగుతున్నాయి. 27 జిల్లాల్లోని హిందువులు, జైనులు, బౌద్ధుల ఇళ్లు, దుకాణాలు, కార్యాలయాలను అల్లరిమూకలు టార్గెట్ చేసుకొని వారిపై దాడులకు పాల్పడి దోచుకోవడమే గాకుండా నిప్పు పెడుతున్నారు. దీంతో వీరి బాధ ఎవరికి చెప్పుకోవాలో తెలియని పరిస్థితుల్లో మైనార్టీలు తీవ్ర ఆవేదన వ్యక్తం చేస్తున్నారు.
తేలిపారా, కలిగంజ్ లోని చంద్రపూర్, హతిబంధ పుర్భో సర్దుబీ, ఢాకా, ధన్మొండి లలోని భారత సాంస్కృతిక సెంటర్లోని నాలుగు ఆలయాలపై దాడులకు పాల్పడ్డారు. పలువురు హిందువుల ఇళ్లను దోచుకొని ధ్వంసం చేశారు. అడ్డు వచ్చిన వారిని చితకబాదారు. దినాజ్ పూర్ లో హిందువుల ఇళ్లు, ఆలయాలను ధ్వంసం చేశారు. బరాబందర్ లోని పలువురు మైనార్టీలు, రాజకీయ నేతల ఇళ్లు, ఆలయాల ధ్వంసానికి పాల్పడ్డారు.
