ఆర్టికల్​ 370 పునరుద్ధరణకు అసెంబ్లీ ఆమోదం

ఆందోళన చేపట్టిన బీజేపీ నాయకులు
గురువారానికి సభ వాయిదా

శ్రీనగర్​: జమ్మూకశ్మీర్​ అసెంబ్లీలో 370 ఆర్టికల్​ పునరుద్ధరణ ప్రతిపాదనకు అసెంబ్లీ ఆమోదించింది. ఈ ప్రతిపాదనపై బీజేపీ ఎమ్మెల్యేలు నిరసన వ్యక్తం చేశారు. బుధవారం జమ్మూకశ్మీర్​ అసెంబ్లీలో బీజేపీ ఎమ్మెల్యేల నిరసనల మధ్య ఆర్టికల్​ 370కి ఒమర్​ అబ్దుల్లా ప్రభుత్వం ఆమోదించింది. దీంతో బీజేపీ ఎమ్మెల్యేలు ఆమోదించిన పత్రాల కాపీలను చించివేశారు. అసెంబ్లీ వెల్​ లోకి వెళ్లి ఆందోళన చేపట్టారు. అసెంబ్లీ బయట రాష్​ర్టంలోని పలు బీజేపీ కార్యాలయాల వద్ద  సీఎం ఒమర్​ అబ్దుల్లా దిష్ఠిబొమ్మను దహనం చేశారు. నిరసనలో బీజేపీ నాయకులు మాట్లాడుతూ.. స్పీకర్​ మంత్రుల సమావేశాన్ని పిలిచి తీర్మానం ముసాయిదాను స్వయంగా తయారు చేశారని ఆరోపించారు. గందరగోళం నెలకొనడంతో సభను గురువారానికి వాయిదా వేశారు. జమ్మూకశ్మీర్​ నేషనల్​ కాన్ఫరెన్స్​ పార్టీ జమ్మూకశ్మీర్​ ప్రజలతో చెలగాటమాడుతుందని విమర్శించారు. ఆర్టికల్​ 370, 35ఎలను ఏ అసెంబ్లీకి తీసుకువచ్చే అధికారం లేదని బీజేపీ పేర్కొంది.