అమిత్ షాపై ఆరోపణలు కెనడాకు నోటీసులు
జారీ చేసిన భారత విదేశాంగ శాఖ
నా తెలంగాణ, న్యూ ఢిల్లీ: కేంద్ర హోంశాఖ మంత్రి అమిత్ షాపై కెనడా ఆరోపణలపై భారత్ సీరియస్ గా స్పందించింది. కెనడా హై కమిషన్ ప్రతినిధికి శనివారం భారత్ సమన్లు జారీ చేసింది. అసంబద్ధమైన, నిరాధారమైన ఆరోపణలను ఖండిస్తున్నట్లు ఎంఇఎ అధికార ప్రతినిధి రణధీర్ జైస్వాల్ పేర్కొన్నారు. తామ కెనడా హై కమిషన్ ప్రతినిధిని పిలిపించామన్నారు. నోటీసులు జారీ చేశామన్నారు. మంత్రి డేవిడ్ మారిసన్ పై ఆగ్రహం వ్యక్తం చేసింది. భారత్ ను అప్రతిష్టపాలు చేసే ప్రయత్నమేనని మండిపడింది. వ్యూహం ప్రకారం ఉద్దేశ్యపూర్వకంగా భారత్ ను కెనడా ప్రభుత్వం నిరాధారమైన ఆరోపణలు చేస్తూ వాటిని లీక్ చేస్తూ ప్రచారం నిర్వహిస్తూ అసత్యాలను వాస్తవాలుగా ప్రచారం చేసే ప్రయత్నం జరుగుతుందన్నారు. కెనడా చర్యలు ఇరుదేశాల ద్వైపాక్షిక బంధాల్లో విఘాతం కలిగిస్తాయని రణధీర్ హెచ్చరించారు. ఖలిస్థానీ హత్యల కుట్ర కోణంలో కేంద్రమంత్రి అమిత్ షా హస్తం కూడా ఉందని కెనడా ప్రభుత్వం ఆరోపణలు చేసింది. ఈ నేపథ్యంలో విదేశాంగ శాఖ కెనడాకు నోటీసులు జారీ చేసి చురకలంటించింది.
