రోడ్డు ప్రమాదంలో వ్యక్తి మృతి

నా తెలంగాణ, రామకృష్ణాపూర్: మందమర్రిలో గురువారం జరిగిన రోడ్డు ప్రమాదంలో ఓ వ్యక్తి మృతిచెందాడు. పట్టణ ఎస్సై రాజశేఖర్​ తెలిపిన వివరాల ప్రకారం బీమారం మండలం ఆరేపల్లికి చెందిన రాంటెంకి రాజేష్​ (20), తన మిత్రుడు నాగరాజుతో కలిసి ద్విచక్ర వాహనంపై తాండూరు బోయపల్లి వెళ్లి తిరిగి వస్తున్నారని తెలిపారు. మందమర్రి అంగడి బజార్​ కు రాగానే వెనుక నుంచి వస్తున్న ఆటో వీరి బైక్​ ను ఢీకొట్టిందన్నారు. ఈ ప్రమాదంలో రాజేష్​ కి తీవ్ర గాయాలయ్యాయని బెల్లంపల్లి ఆసుపత్రికి తరలించగా, మెరుగైన చికిత్స కోసం మంచిర్యాల ఆసుపత్రికి తరలిస్తుండగా మార్గమధ్యంలో మృతి చెందాడని ఎస్​ ఐ తెలిపారు. కుటుంబ సభ్యుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్​ ఐ రాజశేఖర్​ వెల్లడించారు.