96నౌకలు, జలాంతర్గాములు వచ్చే యేడాది కల్లా ప్రవేశం

భువనేశ్వర్​: రాబోయే పదేళ్లలో భారత నావికాదళం 96 నౌకలు, జలాంతర్గాములను ప్రవేశపెడుతుందని నేవీ చీఫ్​ దినేష్​ కె. త్రిపాఠి అన్నారు. సోమవారం విలేఖరుల సమావేశంలో మాట్లాడుతూ.. ఒడిశాలోని పూరీలో డిసెంబర్​ 4వ తేదీన నేవీ డేను జరుపుకోనున్నట్లు తెలిపారు. ఈ కార్యక్రమానికి ముఖ్య అతిథిగా రాష్​ర్టపతి ద్రౌపదీ ముర్మూ హాజరవుతారన్నారు. ఇప్పటికే 62 నౌకలు, ఒక జలాంతర్గామి నిర్మాణంలో ఉన్నాయని తెలిపారు. వచ్చే యేడాది వరకు ప్రతి నెలా ఒక నౌకను ప్రవేశపెడతామన్నారు. పాక్​ నేవీ సముద్ర సామర్థ్యాలపై త్రిపాఠి మాట్లాడుతూ పాక్​ నావికాదళాన్ని బలోపేతం చేసేందుకు చైనా ప్రయత్నిస్తున్నట్లు తెలుస్తోందన్నారు. యుద్ధనౌకలు, జలాంతర్గాములను నిర్మిస్తున్నారన్నారు. పొరుగుదేశాలు, శత్రుదేశాల బెదిరింపులను ఎదుర్కొనేందుకు భారత్​ పూర్తిగా సిద్ధంగా ఉందన్నారు. ఐఎన్​ఎస్​ అరిఘాట్​ నుంచి అణ్వాయుధ సామర్థ్యం గల క్షిపణి పరీక్ష విజయవంతంగా నిర్వహించిందని అడ్మిరల్​ త్రిపాఠి తెలిపారు.