నీట్​ కు 750మంది గైర్హాజర్​! బిహార్​ లో సీబీఐపై దాడి

నా తెలంగాణ, న్యూ ఢిల్లీ: నీట్​ పరీక్షల్లో 750 మంది గైర్హాజర్​ అయ్యారు. ఆదివారం 1563 మంది విద్యార్థుల కోసం సుప్రీం ఆదేశాల మేరకు ప్రత్యేకంగా నీట్​ పరీక్షను మరోమారు నిర్వహించారు. ఏడు ప్రాంతాల్లో వీరి కోసం ఎగ్జామ్​ సెంటర్లను ఏర్పాటు చేశారు. ఈ పరీక్షకు 813 మంది విద్యార్థులు మాత్రమే హాజరయ్యారు. చండీగఢ్​ లో ఉన్న సెంటర్​ ను కేవలం ఇద్దరు అభ్యర్థుల కోసమే ఏర్పాటు చేయగా వారు గైర్హాజర్​ కావడం విశేషం. 

మరోవైపు నీట్​ పై సీబీఐ ఎఫ్​ ఐఆర్​ నమోదు చేసి దర్యాప్తు ప్రారంభించింది. ఐపీసీ సెక్షన్లు 120–బీ, 420 సెక్షన్ల కింద ఎఫ్​ ఐఆర్​ నమోదు చేసింది. రెండు ప్రత్యేక బృందాలు పాట్నా, గోద్రాకు వెళ్లాయి.

సీబీఐపై దాడి..

మరోవైపు బిహార్​ వెళ్లిన సీబీఐ బృందానికి చుక్కెదురైంది. గ్రామస్థులు సీబీఐ అధికారులపై దాడులకు పాల్పడ్డారు. స్థానిక పోలీసులు రంగ ప్రవేశం చేసి అతికష్టం మీద వారిని అక్కడి నుంచి తరలించారు.