కేరళలో మైనర్ బాలికపై 62 మంది లైంగిక దాడి!
14మందికి జ్యూడీషియల్ కస్టడీ
సుమోటోగా కేసు నమోదు చేసిన ఎన్ సీ డబ్ల్యూ
తిరువనంతపురం: కేరళలో మైనర్ బాలిక (13)పై 62 మంది లైంగిక దాడికి పాల్పడ్డారు. 14 మంది నిందితులను పోలీసులు జ్యూడీషియల్ కస్టడీకి పంపారు. ఈ ఘటన ఆలస్యంగా వెలుగులోకొచ్చింది. ఆదివారం వెలుగులోకొచ్చిన ఈ లైంగిక దాడిపై పతనంతిట్ట జిల్లాలోని రెండు పోలీస్ స్టేషన్లలో తొమ్మిది ఎఫ్ ఐఆర్ లు నమోదయ్యాయి. బాలిక స్పోర్ట్స్ కోచ్‌లు, తోటి అథ్లెట్లు, క్లాస్‌మేట్స్ లైంగికదాడులకు పాల్పడినట్లు ఆధారాలు లభించాయని పోలీసులు తెలిపారు. నిందితులందరినీ అరెస్టు చేయాలని జాతీయ మహిళా కమిషన్ (నేషనల్ వ్యూమన్ కమిషన్) మూడు నివేదికను సమర్పించాలని ఆదేశించింది. కేరళ మహిళా కమిషన్ అధ్యక్షురాలు పి. సతీదేవి సుమోటోగా కేసు నమోదు చేశారు. చైల్డ్ వెల్ఫేర్ కమిటీ నిర్వహించిన కౌన్సెలింగ్‌లో బాలిక ఈ విషయాలు చెప్పినట్లు ఎన్ సీ డబ్ల్యూ గుర్తించింది. బాలికపై లైంగిక దాడిలో ఇరుగు పొరుగు కూడా ఉన్నట్లు ధృవీకరించారు. లైంగిక దాడికి పాల్పడడమే గాకుండా బాలికకు సంబంధించిన వీడియోలను కూడా సామాజిక మాధ్యమాల్లో పెట్టారు. దీంతో ఈ విషయం వెలుగులొకొచ్చింది. ఈ లైంగిక దాడిపట్ల కేరళ పినరయి ప్రభుత్వంపై తీవ్ర విమర్శలు వస్తున్నాయి.
