జమ్మూకశ్మీర్ లో 58.85 శాతం పోలింగ్
58.85 percent polling in Jammu and Kashmir
శ్రీనగర్: జమ్మూకశ్మీర్ లోని స్వల్ప ఆందోళనలు, ఉద్రిక్తతల మధ్య ఏడు జిల్లాల్లోని 24 స్థానాల్లో ప్రశాంతంగా పోలింగ్ కొనసాగింది. బుధశారం ఉదయం 7 గంటలకు ప్రారంభమైన పోలింగ్ 6 గంటల వరకూ కొనసాగింది. 58.85 శాతంగా పోలింగ్ నమోదైంది. అత్యధికంగా కిష్త్వాడ్ లో 77.23 శాతం పోలింగ్ నమోదు కాగా, అత్యల్పంగా పుల్వామా 46.03 శాతం పోలింగ్ నమోదైంది. దోడా 63.33 శాతం, రాంబన్ 67.71 శాతంతో రెండు, మూడో స్థానాల్లో నిలిచాయి.
కిష్త్వార్‌లోని బగ్వాన్ ప్రాంతంలో గుర్తింపు కార్డులు లేకుండా ఓట్లు వేశారని బీజేపీ అభ్యర్థి షాగున్ ఆరోపించారు. దీంతో వాతావరణం ఒక్కసారిగా వేడెక్కడంతో కొద్దిసేపు ఓటింగ్‌ ప్రక్రియకు ఆటంకం ఏర్పడింది.
దోడాలో 69.33 శాతం, కిష్త్వాడ్ లో 77.23 శాతం, కుల్గామ్ లో 61.57 శాతం, పుల్వామాలో 46.03 శాతం, రాంబన్ లో 67.71 శాతం, షోపియాలో 53.64 శాతం పోలింగ్ నమోదైంది.
పీడీపీకి చెందిన 21 మంది అభ్యర్థులలో 18 మంది కోటీశ్వరులున్నారు. అత్యంత కోటీశ్వరులు పీడీపీలో ఇద్దరుండగా అప్ని పార్టీలో ఒక్కరున్నారు. అత్యల్ప సంపదలో ఇద్దరు స్వతంత్రులుండగా, ఒకరు ఆప్ పార్టీ అభ్యర్థి ఉన్నారు. వీరి సంపద కేవలం 10వేలుగా ఉండడం విశేషం. పీడీపీ అభ్యర్థులపై అత్యధికంగా క్రిమినల్ కేసులు ఉన్నాయి.
